କେନ୍ଦ୍ରାପଡା: ରାଜ୍ୟର ଜଣେ ଆଧ୍ୟାତ୍ମିକ ଗୁରୁଙ୍କୁ ନେଇ ଗତକାଲିଠାରୁ ବିବାଦ ଦେଖାଦେଇଛି । ହାଇଦ୍ରାବାଦର ଏକ ତାରକା ହୋଟେଲ ଲବିରେ ବ୍ଲୁ ସାର୍ଟ ଓ ଜିନ୍ସ ପିନ୍ଧି ବସିଥିବା ଜଣେ ବ୍ୟକ୍ତିଙ୍କ ଫଟୋକୁ ନେଇ ଏହି ବିବାଦ ସୃଷ୍ଟି ହୋଇଛି। ଫଟୋଟି ଆଧ୍ୟାତ୍ମିକ ଗୁରୁ ସାରଥୀ ବାବାଙ୍କର ବୋଲି ଚର୍ଚ୍ଚା ହେଉଛି । ଉକ୍ତ ହୋଟେଲ୍ ବିଲରେ ମଧ୍ୟ ଆଧ୍ୟାତ୍ମିକ ଗୁରୁଙ୍କ ନାଁ ଓ ପରିଚୟ ପ୍ରମାଣ ଭାବେ ଦାଖଲ ହୋଇଥିବା ଭୋଟର୍ ପରିଚୟପତ୍ର ତାଙ୍କର ବୋଲି ମଧ୍ୟ ଆଲୋଚନା ହେଉଛି। ଆଧ୍ୟାତ୍ମିକ ଗୁରୁ ହୋଟେଲରେ ଜଣେ ଯୁବତୀଙ୍କ ସହ ରହିଥିବା କୁହାଯାଉଛି। ତେବେ ତାଙ୍କ ସହ ଉକ୍ତ ଯୁବତୀ ଏକତ୍ର ଥିବା ନେଇ କୌଣସି ସ୍ପଷ୍ଟ ପ୍ରମାଣ ମିଳି ନାହିଁ କି ଉକ୍ତ ହୋଟେଲ ପକ୍ଷରୁ ଏ ନେଇ କିଛି ସ୍ପଷ୍ଟୀକରଣ ଦିଆଯାଇ ନାହିଁ। ଘଟଣାର ସତ୍ୟାସତ୍ୟ ନେଇ ତଦନ୍ତ କରିବାକୁ ଆଳି ବିଧାୟକ ଜିଲ୍ଲା ପ୍ରଶାସନ ନିକଟରେ ଦାବି କରିଛନ୍ତି।
ସେପଟେ ଫଟୋ ବିବାଦକୁ ନେଇ ପ୍ରତିକ୍ରିୟା ରଖିଛନ୍ତି ସାରଥୀ ବାବା। ବାବା କହିଛନ୍ତି ମୁଁ ଠିକ୍ ଅଛି। ବାବାଙ୍କୁ ବଦନାମ କରିବାକୁ ଏହା କିଛି ବ୍ୟକ୍ତିଙ୍କ ଚକ୍ରାନ୍ତ ବୋଲି ସାରଥୀ ବାବାଙ୍କ ପ୍ରତିନିଧି ଶରତ ଚନ୍ଦ୍ର ପାତ୍ର କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
