ରାଉରକେଲା(ରାକେଶ): ବୀରମିତ୍ରପୁର ଦୁଷ୍କର୍ମ ପୀଡ଼ିତା କୁଆଡ଼େ ଗଲେ? ଶୁକ୍ରବାର ସନ୍ଧ୍ୟାରୁ ସେ କେଉଁଆଡେ ଚାଲି ଯାଇଛନ୍ତି। ଏନେଇ ଏସ୍ଓଏସ୍ କର୍ତ୍ତୃପକ୍ଷ ଛେଣ୍ଡ ଥାନାରେ ଲିଖିତ ଅଭିଯୋଗ କରିଛନ୍ତି। ଏପରିକି CWC , ପ୍ରଶାସନ ଓ ନାବାଳିକାଙ୍କ ପରିବାର ଲୋକଙ୍କୁ ସୂଚନା ଦିଆଯାଇଛି। ଏହି ମାମଲାରେ ବୀରମିତ୍ରପୁର ଥାନାର ପୂର୍ବତନ ଆଇଆଇସି ଓ ଗର୍ଭ ନଷ୍ଟ କରିବା ଅଭିଯୋଗରେ ଜଣେ ଡାକ୍ତର ଜେଲ୍ରେ ଅଛନ୍ତି। ଏବେ ରାଜ୍ୟ କ୍ରାଇମବ୍ରାଞ୍ଚ ଏହି ମାମଲାର ତଦନ୍ତ କରୁଛନ୍ତି।
ଅଭିଯୋଗରୁ ପ୍ରକାଶ, ନାବାଳିକାଙ୍କ ବାପାଙ୍କ ମୃତ୍ୟୁ ମା’ ଆଉ ଜଣଙ୍କୁ ବିବାହ କରିଥିଲେ। ବିବାହ ପରେ ମା’ ଓ ଝିଅ ଦିଲ୍ଲୀ ପଳାଇ ଯାଇଥିଲେ। ସେଠାରେ ନାବାଳିକାଙ୍କୁ ତାଙ୍କ ସାବତ ବାପା ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ପରେ ନାବାଳିକାକୁ ତାଙ୍କ ମାଆ ଗାଁରେ ଛାଡି ଦେଇଥିଲେ। ସେଠାରେ ତାଙ୍କୁ ଥାନା ବାବୁଙ୍କ ସହ ୬ ଜଣ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ନାବାଳିକା ଗର୍ଭବତୀ ହେବା ପରେ ତାଙ୍କ ଗର୍ଭପାତ କରାଯାଇଥିବା ଅଭିଯୋଗ ହୋଇଥିଲା।
ଗତ ମାର୍ଚ୍ଚ ୨୫ ତାରିଖରେ ବୀରମିତ୍ରପୁର ବସ୍ଷ୍ଟାଣ୍ଡରୁ ନାବାଳିକାକୁ ଉଦ୍ଧାର କରାଯାଇଥିଲା। ପରେ ପୂରା ଘଟଣା ଉପରୁ ପର୍ଦ୍ଦା ହଟିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
