ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେପି ରାଷ୍ଟ୍ରୀୟ ସଭାପତି ଅମିତ ଶାହାଙ୍କୁ କଟାକ୍ଷ କରିଛନ୍ତି ନୟାଗଡ଼ମଣି ତଥା ବିଜେଡି ବିଧାୟକ ଅରୁଣ ସାହୁ। ତାତ୍ସଲ୍ୟ କରି କହିଛନ୍ତି, ଅମିତଙ୍କ ପୁଅ ଜୟ ଏତେଶୀଘ୍ର ଧନୀ ହେଲେ କେମିତି? ଗୋଟିଏ ବର୍ଷରେ ଜୟଙ୍କ ସମ୍ପତ୍ତି ୫୦,୦୦୦ ଟଙ୍କାରୁ ବଢ଼ି ୮୦ କୋଟିରେ କେମିତି ପହଞ୍ଚିଲା? ଓଡ଼ିଶା ଗସ୍ତରେ ଆସି ଅମିତ ସେହି ମନ୍ତ୍ର ଓଡ଼ିଆଙ୍କୁ ଦିଅନ୍ତୁ। ଆମେ ମଧ୍ୟ ସେହି ମନ୍ତ୍ର ଗ୍ରହଣ କରିବୁ ବୋଲି ଅରୁଣ କହିଛନ୍ତି।</p> <p>ସେ କହିଛନ୍ତି-“ପ୍ରତିବର୍ଷ ୨ କୋଟି ଯୁବକଙ୍କୁ ଚାକିରି ଯୋଗାଇ ଦିଆଯିବ। ସେହି ହିସାବରେ ଓଡ଼ିଶାରୁ ୯ରୁ ୧୦ ଲକ୍ଷ ଯୁବକ ଚାକିରି ପାଇଥାଆନ୍ତେ। ଭାରତବର୍ଷରେ ୪ କୋଟି ଯୁବକ ଚାକିରି ପାଇଥାଆନ୍ତେ। ମାତ୍ର ତାହା ନକରି ଶେଷକୁ ପକୋଡ଼ି ବିକିବାକୁ କହିଲେ। କେଉଁ ଉନ୍ନତମାର ତେଲ ଓ ବିସନରେ ପକୋଡ଼ି ତିଆରି କରାଯାଇପାରିବ, ତାହା ଉପରେ ସେହି ମନ୍ତ୍ର ଦିଅନ୍ତୁ।”</p> <p>ଅରୁଣ କହିଛନ୍ତି-“ଭାରତ ସରକାରଙ୍କ ବେସରକାରୀ ପରିଚାଳିତ କମ୍ପାନୀ ଓ ରିଫାଇନାରୀ ଗୁଡ଼ିକର ଉତ୍ପାଦନ କମୁଥିବା ବେଳେ ରିଲାଏନ୍ସ ଓ ଏସାର୍‌ ଭଳି କମ୍ପାନୀ ଗୁଡ଼ିକର ଉତ୍ପାଦନ ବଢ଼ୁଛି। ଏହା କେମିତି ସମ୍ଭବ ହେଉଛି? ଯଦି ଏହି ଦେଶରେ ଦକ୍ଷ ସରକାର ଚାଲିଛି ଓ ଦକ୍ଷ ମନ୍ତ୍ରୀ ଅଛନ୍ତି, ତାହାହେଲେ ତାହାହେଲେ ଭାରତ ସରକାରଙ୍କ ବେସରକାରୀ କମ୍ପାନୀ ଗୁଡ଼ିକର ଉତ୍ପାଦନ ଖସୁଛି କାହିଁ? ଏଥିରୁ ଜଣାପଡ଼ୁଛି କେନ୍ଦ୍ର ସରକାରଙ୍କର ତେଲ ଦର ପ୍ରତି ନାହିଁ ଦରଦ।”</p> <p>ସେ କହିଛନ୍ତି-“ଭାରତୀୟ ମୁଦ୍ରାରେ ପାକିସ୍ତାନରେ ପେଟ୍ରୋଲର ଲିଟର ପିଛା ୪୮ ଟଙ୍କା ଡିଜେଲ ୫୪ ଟଙ୍କା। ଶ୍ରୀଲଙ୍କାରେ ପେଟ୍ରୋଲ ଲିଟର ପିଛା ୪୯ ଟଙ୍କା ଓ ଡିଜେଲ ୪୦ ଟଙ୍କା ଏବଂ ଆମ ପଡ଼ୋଶୀ ରାଜ୍ୟ ବାଂଲାଦେଶରେ ପେଟ୍ରୋଲ ଲିଟର ପିଛା ୫୦ ଟଙ୍କାରେ ବିକ୍ରି ହେଉଛି। କିନ୍ତୁର ଭାରତ ତେଲ ଦର ହୁ ହୁ ହୋଇ ବଢ଼ି ଚାଲିଛି। ଏହା ହେଉଛି ଭାରତ ସରକାରଙ୍କ ବଡ଼ ଅବଦାନ।”</p> <p>ଭାଟ୍‌ ନେଇ ଶ୍ରୀ ସାହୁ କହିଥିଲେ-“ରାଜସ୍ଥାନରେ ୩୨%, ଉତ୍ତରପ୍ରଦେଶରେ ୩୪%, ଉତ୍ତରାଖଣ୍ଡରେ ୩୬%, ଝରଖଣ୍ଡରେ ୩୫%, ତେଲେଙ୍ଗାନାରେ ୩୫%, ଆନ୍ଧ୍ରପ୍ରଦେଶରେ ୩୯% ସଂଗ୍ରହ କରାଯାଉଛି। ମାତ୍ର ଓଡ଼ିଶା ନେଉଛି ୨୬%।”</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
