ଏନ୍‌ଏସି ନିର୍ବାଚନ: ଅତାବିରାରେ ବିଜେଡିର କ୍ଲିନ୍ ସ୍ୱିପ୍, ହିନ୍ଦୋଳରେ ପାଇଲା ୧୩ ଆସନ

ଢେଙ୍କାନାଳ/ବରଗଡ଼(ଓଡ଼ିଶା ରିପୋର୍ଟର): ଢେଙ୍କାନାଳ ଜିଲ୍ଲା ହିନ୍ଦୋଳ ଓ ବରଗଡ଼ ଜିଲ୍ଲାର ଅତାବିରା ଏନ୍‌ଏସି ନିର୍ବାଚନର ଫଳାଫଳ ଆଜି ପ୍ରକାଶ ପାଇଛି। ଏହି ୨ ଏନ୍‌ଏସିରେ  ବିଜେଡି ବାଜିମାତ୍ କରିଛି।

ହିନ୍ଦୋଳର ୧୬ଟି ୱାର୍ଡରୁ ବିଜେଡି ୧୩ଟି ଆସନ ପାଇଥିବା ବେଳେ ବିଜେପି ଗୋଟିଏ ଆସନରେ ଜିତିଛି। ଦୁଇଟି ଆସନରେ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଛନ୍ତି। ୱାର୍ଡ ନମ୍ୱର ୧ରେ ବିଜେଡି ପ୍ରାର୍ଥୀ ରୀତା ପଲେଇ ଜିତି ଥିବା ବେଳେ ବିଜେଡି ପ୍ରାର୍ଥୀ ପ୍ରଦୀପ କୁମାର ବେହେରା ୨ ନମ୍ୱର ୱାର୍ଡକୁ ଅକ୍ତିଆର କରିଛନ୍ତି। ତେବେ ୱାର୍ଡ ନମ୍ୱର ୩ରେ ସ୍ୱାଧୀନ ପ୍ରାର୍ଥୀ ଏନାୟତ ଉଲ୍ଲା ଖାଁ  ଓ ୧୦ ନମ୍ୱର ୱାର୍ଡର ସ୍ୱାଧୀନ ପ୍ରାର୍ଥୀ ଶ୍ୟାମଘନ ଭୁତିଆ ବିଜୟୀ ହୋଇଛନ୍ତି। ସେହିପରି ୱାର୍ଡ ନମ୍ୱର ୧୬ରେ  ବିଜେପି ପ୍ରାର୍ଥୀ ବିଜୟ ପ୍ରଧାନ ବିଜୟୀ ହୋଇଛନ୍ତି। ଆସନ୍ତୁ ନଜର ପକାଇବା କେଉଁ ୱାର୍ଡରେ ବିଜେଡି ବାଜିମାତ୍‌ କରିଛି।

ୱାର୍ଡ ନମ୍ୱର ୪ରେ ତପନ କୁମାର ପରିଡ଼ା(ବିଜେଡି), ୱାର୍ଡ ନମ୍ୱର ୫ରେ ରୀନା ବେହେରା(ବିଜେଡି), ୱାର୍ଡ ନଂ ୬ରେ ସୁବାସ ଚନ୍ଦ୍ର ବେହେରା(ବିଜେଡି), ୱାର୍ଡ ନଂ ୭ରେ ପଳଉ ଦେହୁରୀ(ବିଜେଡି), ୱାର୍ଡ ନଂ ୮ରେ ରଶ୍ମିତା ସାହୁ (ବିଜେଡି), ୱାର୍ଡ ନଂ ୯ରେ ଲବଙ୍ଗ ଦେଈ (ବିଜେଡି), ୱାର୍ଡ ନଂ ୧୧ରେ ପ୍ରଦ୍ୟୁମ୍ନ କୁମାର ବେହେରା (ବିଜେଡି), ୱାର୍ଡ ନଂ ୧୨ରେ ଟିମା ବେହେରା (ବିଜେଡି), ୱାର୍ଡ ନଂ ୧୩ରେ ବସୁମତି ସାହୁ (ବିଜେଡି), ୱାର୍ଡ ନଂ ୧୪ରେ ବିଜୟ ଦାସ (ବିଜେଡି) ଓ  ୱାର୍ଡ ନଂ ୧୫ରେ ରମେଶ ଚନ୍ଦ୍ର ସାହୁ (ବିଜେଡି) ବିଜୟୀ ହୋଇଛନ୍ତି।

ସେହିପରି  ଅତାବିରାର ସମସ୍ତ ୧୨ଟି ୱାର୍ଡରେ ବିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ୱାର୍ଡ ନଂ ୧ରେ ସନ୍ତୋଷିନୀ ମକୁୱାନା (ବିଜେଡି), ୱାର୍ଡ ନଂ ୨ରେ ରଘୁନାଥ ବାରିକ (ବିଜେଡି),ୱାର୍ଡ ନଂ ୩ରେ ଦୀପାଞ୍ଜଳି ବୋରାସାଗର (ବିଜେଡି), ୱାର୍ଡ ନଂ ୪ରେ ତ୍ରିବିକ୍ରମ ଦାସ (ବିଜେଡି), ୱାର୍ଡ ନଂ ୫- ଜ୍ୟୋତିର୍ମୟୀ ଗଡତିଆ (ବିଜେଡି), ୱାର୍ଡ ନଂ ୬ରେ ବନମାଳୀ ବରିହା (ବିଜେଡି), ୱାର୍ଡ ନଂ ୭- ଜ୍ୟୋତିର୍ମୟୀ ଦାସ (ବିଜେଡି), ୱାର୍ଡ ନଂ ୮ରେ ମନୋଜ କୁମାର ପ୍ରଧାନ (ବିଜେଡି), ୱାର୍ଡ ନଂ ୯ରେ ଆରତି ନାୟକ (ବିଜେଡି), ୱାର୍ଡ ନଂ ୧୦ରେ ସୁରେଶ୍ୱରୀ ପାଣ୍ଡେ (ବିଜେଡି), ୱାର୍ଡ ନଂ ୧୧ରେ ପ୍ରକାଶ ପ୍ରଧାନ (ବିଜେଡି), ୱାର୍ଡ ନଂ ୧୨ରେ ଗୁନିଆ ସାହୁ (ବିଜେଡି) ବାଜିମାତ କରିଛନ୍ତି।

ଏପ୍ରିଲ ୩ ତାରିଖ ଦିନ ଏହି ଦୁଇ ଏନ୍‌ଏସି ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା।