ଗଞ୍ଜାମ ଏସ୍‌ପିଙ୍କ ଉପରେ ଗର୍ଜିଲେ ଗୋଲକ; କହିଲେ- ସେ ଡ୍ରେସ୍‌ ଖୋଲି ରାଜନୀତିକୁ ଆସନ୍ତୁ

<p>ଭୁବନେଶ୍ୱର: ବିଜେଡି ନେତା ଲକ୍ଷ୍ମୀଦତ୍ତ ପ୍ରଧାନ ହତ୍ୟା ମାମଲାରେ ରାଜନୀତି ଜୋର ଧରିଛି। ଗତକାଲି ଏନେଇ ବିଜେପି ନେତା ଗୋଲକ ମହାପାତ୍ର ଏକ ସାମ୍ୱାଦିକ ସମ୍ମିନଳୀ କରି କହିଥିଲେ ଯେ ଏ ଘଟଣାରେ ତାଙ୍କୁ ଫସାଇବାକୁ ଷଡ଼ଯନ୍ତ୍ର କରାଯାଉଛି। ଆଜି ପୁଣି ଥରେ ସେ ସାମ୍ୱାଦିକ ସମ୍ମିଳନୀ କରି ଗଞ୍ଜାମ ଏସ୍&zwnj;ପିଙ୍କୁ ଟାର୍ଗେଟ୍&zwnj; କରିଛନ୍ତି।</p><p>ସେ କହିଛନ୍ତି,&ldquo;ଯେଉଁ କଲ୍ ରେକର୍ଡ କଥା କୁହାଯାଉଛି ତାହା ଜାଲ୍ କାଗଜ। ସେ କାଗଜ କିଏ ଦେଲା ଓ କେଉଁଠୁ ଆସିଲା ତାହା ସ୍ପଷ୍ଟ ହେଉ। ପୋଲିସ ପ୍ରଥମେ ସ୍ୱୀକାର କରୁ ସେ ରେକର୍ଡ କେଉଁଠୁ ଆସିଲା। ସେ ରେକର୍ଡ ପୋଲିସ ଦେଇଛି କି? ଅଭିଯୁକ୍ତମାନେ ହେପାଜତରେ ଥିବା ବେଳେ ଭିଡିଓ ରେକର୍ଡିଂ ହେଲା କେମିତି? ଯେତେ ଆସାମୀଙ୍କୁ ଧରା ଯାଇଛି ସମସ୍ତଙ୍କର କଲ୍ ରେକର୍ଡ ସାମ୍ନାକୁ ଆଣନ୍ତୁ। ବିଜେପିରେ ମିଶିବାକୁ ଆସୁଥିବା ଲୋକଙ୍କୁ ଏସ୍&zwnj;ପି ଭୟଭୀତ କରୁଛନ୍ତି। ଗଞ୍ଜାମ ଏସ୍&zwnj;ପି ରାଜନୀତି କରୁଛନ୍ତି। ସେ ଡ୍ରେସ୍ ଖୋଲି ରାଜନୀତିକୁ ଓହ୍ଲାଇ ଆସନ୍ତୁ।&rdquo;</p><p>ଏହି ଘଟଣାକୁ ନେଇ ଗୋଲକ ଗଞ୍ଜାମ ଏସ୍&zwnj;ପିଙ୍କୁ ୫ଟି ପ୍ରଶ୍ନ ପଚାରିଛନ୍ତି।</p><p>ତାଙ୍କ ପ୍ରଥମ ପ୍ରଶ୍ନ ହେଉଛି-ଏସ୍&zwnj;ପି ମାନିବେ କି ତଥାକଥିତ କଲ୍&zwnj;ରେକର୍ଡ ସେ ଦେଇଛନ୍ତି କି? ଦ୍ୱିତୀୟ ପ୍ରଶ୍ନ-ସଞ୍ଜୟ ପାଣିଗ୍ରାହୀ, ଠେସା କାଳିଆର କଲ୍&zwnj; ରେକର୍ଡ ଯାଞ୍ଚ ହେଉ?</p><p>ତୃତୀୟ ପ୍ରଶ୍ନ- ହେପାଜତରେ ଥିବା ଲୋକର ଭିଡିଓ ରେକର୍ଡ ହେଲା କେମିତି?</p><p>ଚତୁର୍ଥ ପ୍ରଶ୍ନ- ମାମଲାରେ ଗିରଫ ଅନ୍ୟ ବ୍ୟକ୍ତିଙ୍କ କଲ୍ ରେକର୍ଡ କାହିଁକି ଯାଞ୍ଚ ନହେବ?</p><p>ପଞ୍ଚମ ପ୍ରଶ୍ନ- ଲକ୍ଷ୍ମୀଙ୍କ ମା&rsquo; କହିଥିବା ବ୍ୟକ୍ତିଙ୍କୁ ତଦନ୍ତ ପରିସର କାହିଁକି କରାନଯିବ?</p><p>ସେହିପରି ଏହି ଘଟଣାରେ ରାଜ୍ୟ ବିଜେପି ଉପସଭାପତି ସମୀର ମହାନ୍ତି କହିଛନ୍ତି,&ldquo;ଏହି ଘଟଣା ସମ୍ପର୍କରେ ରାଜ୍ୟପାଳଙ୍କୁ ଭେଟିବ ବିଜେପି। ଏହାସହିତ ଡିଜିପିଙ୍କୁ ମଧ୍ୟ ସାକ୍ଷାତ କରାଯାଇ ଘଟଣାର ତଦନ୍ତରେ ନିରପେକ୍ଷତା ଅବଲମ୍ୱନ କରିବାକୁ କୁହାଯିବ। ଏନେଇ ସାଇବର ଥାନାରେ ବି ଅଭିଯୋଗ କରାଯିବ। ମନ୍ତ୍ରୀ ସୂର୍ଯ୍ୟ ପାତ୍ର ଏହି ଘଟଣାର ମୁଖ୍ୟ ସୂତ୍ରଧର।&rdquo;<br />&lt;h3&gt;&lt;span style=&quot;color: #ff0000;&quot;&gt;&lt;strong&gt;&lt;a href=&quot;&quot;&gt;(image) &lt;/a&gt;ନିଆଁ ନ ଥିଲେ ଧୂଆଁ ବାହାରେ ନାହିଁ&lt;/strong&gt;&lt;strong&gt;: &lt;/strong&gt;&lt;strong&gt;ବିଜେଡି&lt;/strong&gt;&lt;/span&gt;&lt;/h3&gt;<br />ଏ ଘଟଣାକୁ ନେଇ ବିଜେଡି ଗୋଲକ ମହାପାତ୍ରଙ୍କୁ ଟାର୍ଗେଟ୍ କରିଛନ୍ତି। ବିଜେଡି ମୁଖପାତ୍ର ପ୍ରତାପ ଦେବ ଏକ ସାମ୍ବାଦିକ ସମ୍ମିଳନୀରେ ବିଜେପିକୁ କେତେକ ପ୍ରଶ୍ନ କରିଛନ୍ତି। ସେ ପଚାରିଛନ୍ତି,&ldquo;ଅଭିଯୁକ୍ତମାନେ ବ୍ରହ୍ମପୁରରୁ ଭୁବନେଶ୍ୱର ଦେଇ ଉତ୍ତରାଖଣ୍ଡ ଗଲେ କେମିତି? ଉତ୍ତରାଖଣ୍ଡ ରାଜ୍ୟ ଅତିଥି ଭବନରେ ରହିଲେ କେମିତି? ଉତ୍ତରାଖଣ୍ଡରେ ବିଜେପିର ସରକାର ରହିଛି। ତେଣୁ କେହି ବିଜେପି ନେତା ସେମାନଙ୍କ ପାଇଁ ଏହି ବ୍ୟବସ୍ଥା କରି ନାହାନ୍ତି ତ? ଭିଡିଓ ଆସିବା ପୂର୍ବରୁ ଗଞ୍ଜାମ ଏସ୍&zwnj;ପିଙ୍କୁ ଟାର୍ଗେଟର ରହସ୍ୟ କ&rsquo;ଣ? ଏହା ଲୁଚିଛି ନା ଗୋଡ଼ ଦୁଇଟା ଦିଶୁଛି ପରି କଥା ନୁହେଁ ତ? ଗୋଲକ ଯଦି ସବୁ ପ୍ରକାର ତଦନ୍ତର ସାମ୍ନା କରିବାକୁ ପ୍ରସ୍ତୁତ, ତା&rsquo;ହେଲେ ପ୍ରେସ୍&zwnj;ମିଟ୍ କରି ପ୍ରଳାପ କରୁଛନ୍ତି କାହିଁକି? ଏଥିରୁ ସ୍ପଷ୍ଟ ନିଆଁ ନ ଥିଲେ ଧୂଆଁ ଉଠେନି।&rdquo;</p><p>ଛତ୍ରପୁର ଏନ୍&zwnj;ଏସି କାଉନ୍&zwnj;ସିଲର ଲକ୍ଷ୍ମୀଦତ୍ତ ପ୍ରଧାନ ହତ୍ୟାର ଦୁଇ ଷଡ଼ଯନ୍ତ୍ରକାରୀ କୃଷ୍ଣଚନ୍ଦ୍ର ନାୟକ ଓ ଦୁର୍ଯ୍ୟୋଧନ ରେଡ୍ଡିଙ୍କୁ ଡେରାଡୁନ୍ ଫେରାର କରାଇବାରେ ବିଜେପିର ରାଜ୍ୟ ମୁଖପାତ୍ର ଗୋଲକ ମହାପାତ୍ର ସହଯୋଗ କରିଥିଲେ ବୋଲି ଅଭିଯୋଗ ହୋଇଛି। ଦୁଇ ଷଡ଼ଯନ୍ତ୍ରକାରୀ ନିଜେ ଏକଥା କହିଛନ୍ତି। ଏନେଇ ଏକ ଭିଡିଓ ଜାରି ହୋଇଥିଲା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।