ଭୁବନେଶ୍ୱର(ଓଡ଼ିଶା ରିପୋର୍ଟର):PMAYରେ ଦୁର୍ନୀତି ନେଇ ରାଜ୍ୟ ସରକାରଙ୍କୁ ବିଜେପିର ଆଟାକ୍। ଖୋଦ୍ ପଞ୍ଚାୟତିରାଜ ମନ୍ତ୍ରୀଙ୍କ ନିର୍ବାଚନମଣ୍ଡଳୀରେ ବିଜେଡି ନେତା ଓ ସମର୍ଥକ ଫାଇଦା ମାରିଥିବା ବିଜେପି ଅଭିଯୋଗ ଆଣିଛି। ତେଲିଆ ମୁଣ୍ଡରେ ତେଲ ପରି ବଡବଡିଆଙ୍କୁ ଆବାସ ଯୋଜନାରେ ଘର ମିଳିଥିବା ବେଲେ ଗରିବ କିନ୍ତୁ ଏଥିରୁ ବଂଚିତ ହୋଇଛନ୍ତି। ସରକାରୀ ତଦନ୍ତ ରିପୋର୍ଟରେ ବି ଆସିଛି ଏମତି ଅନିୟମିତତାର ତଥ୍ୟ ।
ପ୍ରଧାନମନ୍ତ୍ରୀ ଆବାସରେ ଅନିୟମିତତାର ପ୍ରମାଣ ମାଗିଥିଲେ ପଞ୍ଚାୟତିରାଜ ମନ୍ତ୍ରୀ । ଆଜି ତଥ୍ୟ ସହ ଯୋଜନାରେ ହେଉଥିବା ଦୁର୍ନୀତିର ପ୍ରମାଣ ଦେଇଛି ବିଜେପି।ତାହା ପୁଣି ଖୋଦ ମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ମାହାଙ୍ଗାର ନୃତ୍ୟାଙ୍କ ପଞ୍ଚାୟତର ସାମ୍ବାଦିକ ସମ୍ମିଳନୀରେ ବିଜେପି ଦେଇଥିବା ଏ ତଥ୍ୟ ଉପରେ ନଜର ପକାନ୍ତୁ। ଦଳର ଅଭିଯୋଗ, ଘର ପାଇଥିବା ହିତାଧିକାରୀ ତାଲିକାରେ ଥିବା ଏ ନାଁ ଭିତରେ ଅଛନ୍ତି ବିଜେଡି ନେତା ଓ ବଡବଡିଆ। ୭ ନମ୍ବର ସିରିୟଲରେ ଥିବା ଅମିୟ କୁମାର ସାହୁ, ୧୦ ନମ୍ବରରେ ଥିବା ବିଶ୍ୱନାଥ ପଣ୍ଡା, ୧୩ ନମ୍ବରରେ ଥିବା ହରେକୃଷ୍ଣ ବାରିକ ଓ ୩୪ ନମ୍ବରରେ ଥିବା ତ୍ରିଲୋଚନ ସ୍ୱାଇଁଙ୍କ
କୋଠାଘର ଥାଇବି ସେମାନେ ଆବାସ ଯୋଜନାରେ ସାମିଲ ହୋଇଛନ୍ତି ବୋଲି ଅଭିଯୋଗ କରିଛି ବିଜେପି । ଏମାନଙ୍କ ଭିତରୁ ତ୍ରିଲୋଚନ କଟକ ଜିଲ୍ଲା ବିଜେଡିର ପଦପଦବୀରେ ଅଛନ୍ତି ବୋଲି ଦଳ ଅଭିଯୋଗ କରିଛି। ଏପଟେ ସେହି ଏକା ଗାଁର ଅମୀୟ ଜେନା, ବ୍ରଜକିଶୋର ଜେନା, ଅମୁଲ୍ୟ ଦାସ, ପରମାନନ୍ଦ ମହାପାତ୍ର ଓ ବାବାଜୀ ସାହୁଙ୍କ ପରି ଗରିବ ଲୋକ, ଘର ଖଣ୍ଡେ ପାଇଁ ଆବେଦନ କରିଥିଲେ ବି ସେମାନଙ୍କୁ ଘର ମିଳୁନି। ତେବେ କେବଳ ମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ୫ ହଜାର ମାମଲାରେ ଦୁର୍ନୀତି ହୋଇଥିବା ନେଇ ବିଜେପି ଅଭିଯୋଗ ଆଣିଥିବା ବେଳେ ଜବାବ୍ ରଖିଛନ୍ତି ପଞ୍ଚାୟତିରାଜ ମନ୍ତ୍ରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
