ଭୁବନେଶ୍ୱର: ଦୀର୍ଘ ଦିନର ସଂଘର୍ଷ ପରେ ଆଜି ରାଜ୍ୟ ସରକାର ବ୍ଲକ ଗ୍ରାଣ୍ଟ ଅଧ୍ୟାପକ, ଶିକ୍ଷକ ଓ କର୍ମଚାରୀଙ୍କ ଦରମା ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି। ମୂଳ ଦରମାର ୨୫ % ଦରମା ବୃଦ୍ଧିକୁ ଆଜି ସରକାର ମଞ୍ଜୁରୀ ଦେଇଛନ୍ତି।
୨୦୧୬ ମେ ମାସ ୩୧ ତାରିଖ ସୁଦ୍ଧା ବ୍ଲକ ଗ୍ରାଣ୍ଟ ଅଧ୍ୟାପକ,ଶିକ୍ଷକ ଓ କର୍ମଚାରୀ ପାଉଥିବା ଦରମା ଉପରେ ଏହି ବୃଦ୍ଧି ଘୋଷଣା କରାଯାଇଛି। ନିଷ୍ପତ୍ତି ଅନୁସାରେ ଏଣିକି ବର୍ଷକୁ ୩ ପ୍ରତିଶତ ହାରରେ ଦରମା ବୃଦ୍ଧି ପାଇବ।
ସେହିପରି ବ୍ଲକ ଗ୍ରାଣ୍ଟ ବଦଳରେ ଗ୍ରାଣ୍ଟ ଇନ୍ ଏଡ୍ ଲାଗୁ ହେବ ବୋଲି ଉଚ୍ଚଶିକ୍ଷା ମନ୍ତ୍ରୀ ପ୍ରଦୀପ ପାଣିଗ୍ରାହୀ ସୂଚନା ଦେଇଛନ୍ତି। ବର୍ଦ୍ଧିତ ଦରମା ଜୁନ୍ ପହିଲାରୁ ପିଛିଲା ଭାବେ ଲାଗୁ ହେବ। ଶାସ୍ତ୍ରୀ ଓ ଉପଶାସ୍ତ୍ରୀ କଲେଜର ଅଧ୍ୟାପକଙ୍କ ସମେତ ୪୮୮ ଓ ୬୬୨ ବର୍ଗ କଲେଜର ଅଧ୍ୟାପକ ଓ କର୍ମଚାରୀମାନେ ଏହାଦ୍ୱାରା ଉପକୃତ ହେବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
