ଭୁବନେଶ୍ୱର; ବ୍ରହ୍ମ ପରିବର୍ତ୍ତନ ବିଭ୍ରାଟ ପ୍ରତିବାଦରେ ବିଜେପି ଆନ୍ଦୋଳନକୁ ବ୍ୟାପକ କରିବ ବୋଲି କହିଛି । ବିଜେପି ରାଜ୍ୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ୱାଦିକ ସମ୍ମିଳନୀରେ ଦଳ ପକ୍ଷରୁ ଏ ନେଇ ସୂଚନା ଦିଆଯାଇଛି । ଏହି କ୍ରମରେ ଆସନ୍ତା ଜୁନ ୩୦ରୁ ଜୁଲାଇ ୬ ତାରିଖ ପର୍ଯ୍ୟନ୍ତ ଦଳ ସାରା ରାଜ୍ୟରେ ବ୍ୟାପକ ଆନ୍ଦୋଳନ କରିବ । ଏହି ଅବସରରେ ଶତାଧିକ ସ୍ଥାନରେ ସାଧାରଣ ସଭା କରାଯାଇ ଲୋକଙ୍କୁ ସଚେତନ କରାଯିବ । ରାଜ୍ୟସ୍ତରୀୟ ନେତାମାନେ ବିଭିନ୍ନ ଅଞ୍ଚଳ ଗସ୍ତ କରି ଲୋକଙ୍କୁ ସଚେତନ କରିବେ ବୋଲି ଦଳ ପକ୍ଷରୁ କୁହାଯାଇଛି । ନବକଳେବର ବିଭ୍ରାଟ ଲାଗି ସରକାରୀ ଦଳକୂ ବିଜେପି ଟାର୍ଗେଟ କରିଛି । ଦଳ ପକ୍ଷରୁ ଅଭିଯୋଗ କରାଯାଇଛି ଯେ, ଦାରୁ ଚୟନଠାରୁ ଘଟ ପରିବର୍ତ୍ତନ ପର୍ଯ୍ୟନ୍ତ ହୋଇଥିବା ବିଭ୍ରାଟରେ ସରକାରୀ ଦଳର ସମ୍ପୃକ୍ତି ରହିଛି । କେବଳ ଦୁଇଜଣ ସେବାୟତ ନୁହନ୍ତି ସରକାରୀ ଦଳର କର୍ମକର୍ତ୍ତା, କର୍ପୋରେସନ୍ ଦାୟିତ୍ୱରେ ଥିବା ସେବାୟତ, ମନ୍ତ୍ରୀ ଓ ମନ୍ଦିର ପ୍ରଶାସନ ବିରୋଧରେ କାର୍ଯାନୁଷ୍ଠାନ ପାଇଁ ଦଳ ଦାବି କରିଛି । ଏହାସହ ବ୍ରହ୍ମ ପରିବର୍ତ୍ତନ ବିଭ୍ରାଟର ନ୍ୟାୟିକ ତଦନ୍ତ କରାଯିବାକୁ ଦଳ ଦାବି କରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
