ଭୁବନେଶ୍ୱର: ବସ୍ ମାଲିକ ସଂଘ ଓ ଅର୍ଥମନ୍ତ୍ରୀଙ୍କ ମଧ୍ୟରେ ଆସନ୍ତା ୩୦ ତାରିଖରେ ଏକ ବୈଠକ ଅନୁଷ୍ଠିତ ହେବ। ଡିସେମ୍ୱର ୧ରୁ ସଂଘ ଧର୍ମଘଟ ଡାକରା ଦେଇଥିବା ପରିପ୍ରେକ୍ଷୀରେ ଏହି ବୈଠକକୁ ଗୁରୁତ୍ୱପୂର୍ଣ ମନେ କରାଯାଉଛି। ବର୍ଦ୍ଧିତ ପରିବହନ ଟିକସ ଓ ସିଟି ବସକୁ ବାହାରେ ଚଳାଇବାକୁ ବିରୋଧ କରି ସଂଘ ଏ ଧର୍ମଘଟ ଡାକରା ଦେଇଛି। ଏ ବୈଠକରେ ଅର୍ଥମନ୍ତ୍ରୀ, ନଗର ଊନ୍ନୟନ ମନ୍ତ୍ରୀ, ପରିବହନ ମନ୍ତ୍ରୀ, ଶକ୍ତି ମନ୍ତ୍ରୀ ଓ ଅନ୍ୟ ପଦାଧିକାରୀ ଉପସ୍ଥିତ ରହିବେ ବୋଲି ସୂଚନା ଦେଇଛନ୍ତି ପରିବହନ ମନ୍ତ୍ରୀ ରମେଶ ମାଝୀ। ଅନ୍ୟପକ୍ଷରେ ପ୍ରସ୍ତାବିତ ଧର୍ମଘଟ ପ୍ରତ୍ୟାହାର କରି ନେବାକୁ ପରିବହନ ମନ୍ତ୍ରୀ ବସ୍ ମାଲିକ ସଂଘକୁ ଅନୁରୋଧ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।