ଅନୁଗୋଳ: ଅନୁଗୋଳ ଜିଲ୍ଲାର ବିଭିନ୍ନ ଅଞ୍ଚଳରେ ଡାକାୟତି କରୁଥିବା ଏକ ଗ୍ୟାଙ୍କର ୬ଜଣକୁ ଗିରଫ କରିଛି ଚେଣ୍ଡିପଦା ପୋଲିସ। ଗତକାଲି ବିଳମ୍ବିତ ରାତିରେ ଛେଣ୍ଡିପଦା ଥାନା ଅନ୍ତର୍ଗତ ଚାଙ୍ଗୁଡିଆ ଗ୍ରାମ ନିକଟରେ ଥିବା ଏକ କାଜୁ ବଗିଚାରେ ଅଭିଯୁକ୍ତମାନେ ଡକାୟତି ଯୋଜନା କରୁଥିବାବେଳେ ପୋଲିସ ଚଢାଉ କରି ସେମାନଙ୍କୁ କାବୁ କରିଥିଲା। ଗିରଫ ଅଭିଯୁକ୍ତମାନେ ହେଲେ ସାନ ଚାଙ୍ଗୁଡିଆର ରେଜେଶ ପ୍ରଧାନ(୨୧), କ୍ଷୀରୋଦ ନାଏକ (୨୯), ସୁକାନ୍ତ ଦେହୁରୀ (୨୬), ବଳରାମ ଷଣ୍ଢ (୨୫), ବିଜୟ ଦେହୁରୀ (୨୬), ଦେବଗଡ ଜିଲ୍ଲାର କର୍ମୁ କିଶାନ୍(୨୨) ଓ କଟକର ଦୀପକ ସାହୁ(୨୫)। ସେମାନଙ୍କଠାରୁ ୬ଟି ବାଇକ ଓ ଗୋଟିଏ ପିସ୍ତଲ ସହ ବହୁ ମାରଣାସ୍ତ୍ର ଜବତ କରାଯାଇଛି। ପଚାରାଉଚୁରା ପରେ ଏକ ବୋଲେରୋ ଓ ପିକଅପ ଭ୍ୟାନରୁ ଲକ୍ଷ୍ୟାଧିକ ଟଙ୍କାର ଅଳଙ୍କାର ଓ ମୋବାଇଲ ଜବତ କରିଛି ପୋଲିସ। ଏବେ ବି ଏହି ଗ୍ୟାଙ୍ଗର ବହୁ ସଦସ୍ୟ ଫେରାର ଅଛନ୍ତି। ଏହି ଗ୍ୟାଙ୍ଗ ମୁଖ୍ୟତଃ ରାସ୍ତାରେ ଲୁଟତରାଜ କରିଥାନ୍ତି। ଗିରଫ ଯୁବକମାନଙ୍କ ନାମରେ ଜିଲ୍ଲାର ବିଭିନ୍ନ ଥାନାରେ ମାମଲା ରହିଥିବା ଏସପି ରାଜେଶ ପଣ୍ଡିତ ସୂଚନା ଦେଇଛନ୍ତି।