ଠିକ୍‌ ସମୟରେ ଶିଶୁ ସୁରକ୍ଷା ସମିତି ସଦସ୍ୟ ପହଞ୍ଚିନଥିଲେ ବଧୂ ସାଜିଥାନ୍ତା ନାବାଳିକା

କଲ୍ୟାଣସିଂହପୁର: ବାଲ୍ୟବିବାହ ପ୍ରଥା କେଉଁ କାଳରୁ ଉଚ୍ଛେଦ ହେଲାଣି। ଏଥିପାଇଁ ସରକାର ସ୍ୱତନ୍ତ୍ର ଆଇନ୍‌ ମଧ୍ୟ ପ୍ରଣୟନ କରିଛନ୍ତି। ଆଇନ୍‌ରେ ବଲ୍ୟ ବିବାହ ଏକ ଦଣ୍ଡନୀୟ ଅପରାଧ ବୋଲି ବ୍ୟବସ୍ଥା ରହିଛି। ଏହା ସତ୍ତ୍ୱେ କେତେକ ବ୍ୟକ୍ତି ଏହି ଆଇନ୍‌କୁ ଉଲ୍ଲଂଘନ କରି ବାଲ୍ୟବିବାହ କରାଉଛନ୍ତି। ଏପରି ଘଟଣା ରାୟଗଡ଼ା ଜିଲ୍ଲା କଲ୍ୟାଣସିଂହପୁରରେ ଘଟିଛି। ଠିକ୍‌ ସମୟରେ ଜିଲ୍ଲା ଶିଶୁ ସୁରକ୍ଷା ସମିତି ସଦସ୍ୟମାନେ ପହଞ୍ଚି ନ ଥିଲେ ଆଜି ହୁଏତ ବାଳିକା ବଧୂ ସାଜିଥାନ୍ତା।

ଆସନ୍ତାକାଲି କାଶିପୁର କରଞ୍ଜାକୁପାଖଲ ଗାଁର ନିରଞ୍ଜନ ନାୟକ ସାନ୍ତିନଗରେ ଜଣେ ନାବାଳିକାଙ୍କୁ ବିବାହ କରିବାର ଥିଲା। ଏ ସମ୍ପର୍କରେ ଜିଲ୍ଲା ଶିଶୁ ସୁରକ୍ଷା ଅଧିକାରୀମାନେ ଜାଣିପାରି ଉକ୍ତ ଗାଁରେ ପହଞ୍ଚି ନାବାଳିକାଙ୍କ ପରିବାର ଲୋକଙ୍କୁ ବୁଝାଶୁଝା କରିଥିଲେ। ଝିଅକୁ ୧୮ ନହେବା ପର୍ଯ୍ୟନ୍ତ ହେବା ପରେ ବାହାଘର ହେବ ବୋଲି ପ୍ରସ୍ତାବ ଦେଇଥିଲେ। ଏଥିରେ ଉଭୟ ପରିବାର ରାଜି ହୋଇ ଲିଖିତ ପ୍ରତିଶ୍ରୁତି ଦେଇଥିଲେ। ଫଳରେ ବାଲ୍ୟ ବିବାହ ସ୍ଥଗିତ ରହିଥିଲା।