ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସୋର: ଅନ୍ଧବିଶ୍ୱାସର ଅନ୍ଧଗଳିରେ ମଣିଷ। ଯୁଗ ଯେତେ ଆଗେଇଲେ ମଧ୍ୟ ଲୋକଙ୍କ ମନରେ ଅନ୍ଧବିଶ୍ୱାସ ଦୂର ହେଉନାହିଁ। କେଉଁଠି ଗୁଣି ଗାରେଡି ସନ୍ଦେହରେ ଲୋକଙ୍କୁ ମାରି ଦିଆଯାଉଛି ତ କେଉଁଠି ରୋଗ ଭଲ ହେବା ବଳି ଦିଆଯାଉଛି। ଏଭଳି ଅଭିଯୋଗ ଆସିଛି ସୋର ବ୍ଲକ୍‌ ପିଞ୍ଛାପଦୀ ଗାଁରୁ।</p> <p>ଝିଆରୀକୁ ତା’ର ଦାଦା ବଳି ପକାଇବାକୁ ଉଦ୍ୟମ କରୁଥିବା ନେଇ ଅଭିଯୋଗ ହୋଇଛି। ଝିଆରୀ ଚିତ୍କାର ଶୁଣି ଗାଁ ଲୋକେ ଜାଣିପାରି ଦାଦାକୁ ଧରିବା ସହ ଉତ୍ତମ ମଧ୍ୟମ ଦେଇଛନ୍ତି। ଏପରି ଅଭିଯୋଗ ଆସିଛି ବାଲେଶ୍ୱର ଜିଲ୍ଲା ସୋର ବ୍ଲକ ମାଣିପୁର ପଞ୍ଚାୟତ ପିଞ୍ଛାପଦୀ ଗାଁରୁ।</p> <p>ଏହି ଗାଁର କୈଳାସ ମଲ୍ଲିକ ବହୁଦିନ ଧରି ଅସୁସ୍ଥ ଥିଲେ। ତାଙ୍କର ମାନସିକ ବିକୃତ ଥିଲା। ତାଙ୍କୁ କେହି ଗୁଣିଗାରେଡି କରୁଥିବା ସନ୍ଦେହ କରି ତାଙ୍କ ପରିବାର ଲୋକ ଗୁଣିଆର ସାହାରା ନେଇଥିଲେ। କୈଳାସ ନିଜର ସାଙ୍ଗ ମାଣିପୁର ଗ୍ରାମର ବାସୁଦେବ ମିଶ୍ର, ଗଜେନ୍ଦ୍ର ସେନାପତୀ ଏବଂ ବାଳଙ୍ଗ ଗ୍ରାମର ପଦ୍ମଲୋଚନ ମଳିକଙ୍କୁ ନିଜ ଘରକୁ ଡକାଇଥିଲେ। ଏହି ତିନିଜଣ କୈଳାସଙ୍କୁ ନେଇ ଗୁଣିଆଙ୍କ ପାଖକୁ ନେଇ ଯାଇଥିଲେ। ଜଣେ ଅବିବାହିତ ଝିଅକୁ ବଳି ଦେଲେ ତାର ରୋଗ ଭଲ ହୋଇଯିବ ବୋଲି ଗୁଣିଆ କହିଥିଲା। ଶେଷରେ ଗୁଣିଆର ପରାମର୍ଶରେ ବଳି ପକାଇବା ଲାଗି ଦାଦା ୨ଜଣ ଝିଆରିକୁ ଘରୁ ମୁହଁରେ କପଡା ବାନ୍ଧି ଉଠାଇ ନେଉଥିବା ବେଳେ ଗ୍ରାମବାସୀଙ୍କ ଦ୍ୱାରା ଧରାପଡ଼ିଥିଲେ। ଶେଷରେ ଗାଁ ଲୋକେ ବାସୁଦେବ ଓ ଗଜେନ୍ଦ୍ରଙ୍କୁ ଧରି ଉତ୍ତମ ମଧ୍ୟମ ଦେଇଥିଲେ। ପଦ୍ମଲୋଚନ ଚକମା ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲା। ପୋଲିସ୍‌ ବାସୁଦେବ ଓ ଗଜେନ୍ଦ୍ରକୁ ଅଟକ ରଖିଛି। ଗତକାଲି ରାତି ପ୍ରାୟ ୧୦ଟା ବେଳେ ଏହି ଘଟଣା ଘଟିଥିଲା।</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
