ଚିଟଫଣ୍ଡ ଠକେଇ: ତଦନ୍ତର ଅନୁଧ୍ୟାନ କରିବାକୁ ମନାକଲେ ସୁପ୍ରିମକୋର୍ଟ

ନୂଆଦିଲ୍ଲୀ: ଚିଟଫଣ୍ଡ ଠକେଇ ତଦନ୍ତର ଅନୁଧ୍ୟାନ କରିବାକୁ ସୋମବାର ମନାକରିଛନ୍ତି ସୁପ୍ରିମକୋର୍ଟ। ଏ ସମ୍ପର୍କିତ ଆଗତ ଏକ ମାମଲାର ଶୁଣାଣି କରି କୋର୍ଟ ପିଟିସନରଙ୍କର ଆବେଦନକୁ ଖାରଜ କରିଛନ୍ତି। ଏଥିସହିତ କହିଛନ୍ତି ଚିଟଫଣ୍ଡ ଠକେଇର ସିବିଆଇ ତଦନ୍ତକୁ କୋର୍ଟ ଅନୁଧ୍ୟାନ କରିବା ଅନାବଶ୍ୟକ। ଯଦି ଆବେଦନକାରୀ କିମ୍ୱା ପିଟିସନର କୌଣସି ତଥ୍ୟ ବା ଦଲିଲ ଦେବାକୁ ଚାହୁଁଛନ୍ତି ତେବେ ସିବିଆଇ କର୍ତ୍ତୃପକ୍ଷଙ୍କୁ ସହଯୋଗ କରିବାକୁ କୋର୍ଟ କହିଛନ୍ତି। ସେହିପରି ଜମାକାରୀଙ୍କର କୌଣସି ଆପତ୍ତି ଆବେଦନ ଥିଲେ ସେମାନେ ଉପଯୁକ୍ତ ଫୋରମରେ ଏ ନେଇ ଆବେଦନ କରିବାକୁ କୋର୍ଟ କହିଛନ୍ତି।