ବିଜେପୁର ପରାଜୟ ପରେ ଆରମ୍ଭ ହେଲା କଂଗ୍ରେସ କନ୍ଦଳ: ତାରା କହିଲେ-ଶ୍ୱଶୁରଙ୍କ ତୁଣ୍ଡରେ କଥା କୁହାଉଛନ୍ତି ପ୍ରସାଦ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଦିନରେ ଯେଉଁ ବିଜେପୁର ନିର୍ବାଚନମଣ୍ଡଳୀରେ କଂଗ୍ରେସ ବିଧାୟକ ସୁବଳ ସାହୁଙ୍କ ଦବ୍&zwnj;ଦବା ରହିଥିଲା। ସେଠି ଆଜି ବିଜେଡି ବାଜିମାତ କରିଛି। କଂଗ୍ରେସ ଅମାନତ ହରାଇଛି। ଏହାକୁ କଂଗ୍ରେସ ସହଜରେ ଗ୍ରହଣ କରିପାରି ନାହିଁ। ଫଳାଫଳ ପ୍ରକାଶ ପାଇବା ପୂର୍ବରୁ ସୁର ରାଉରରାୟ ଭବିଷ୍ୟବାଣୀ କରି କହିଥିଲେ, ବିଜେପୁରରେ କଂଗ୍ରେସ ପ୍ରାର୍ଥୀ ପ୍ରଣୟ ସାହୁଙ୍କୁ ହରାଇବା ପାଇଁ ୩ ଜଣ ନେତା ଷଡଯନ୍ତ୍ର କରିଛନ୍ତି। ଲୋକ ଦେଖାଣିଆ ଭାବେ ଉପର ମନରେ ସେମାନେ ପ୍ରଚାର କରି କଂଗ୍ରେସ ପ୍ରାର୍ଥୀଙ୍କୁ ହରାଇବା ପାଇଁ ଷଡଯନ୍ତ୍ର କରିଥିଲେ ବୋଲି ସୁର କହିଥିଲେ। ଏହାକୁ ନେଇ ଦଳ ଭିତରେ ଆରମ୍ଭ ହୋଇଛି ବୟାନବାଜି। ସୁରଙ୍କର ଏହି ଗୁଗୁଲିକୁ ସହଜରେ ଗ୍ରହଣ କରିପାରି ନାହାନ୍ତି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି।</p><p>ସେ କହିଛନ୍ତି-&ldquo;ସୁର ରାଉତରାୟ ହେଉଛନ୍ତି କଂଗ୍ରେସର ଜଣେ ବରିଷ୍ଠ ନେତା ଓ ପୂର୍ବତନ ମନ୍ତ୍ରୀ। ଏହାପରେ ସେ ପିସିସି ସଭାପତି ପ୍ରସାଦ ହରିଚନ୍ଦନଙ୍କ ଶ୍ୱଶୁର। ପ୍ରସାଦବାବୁ ଯାହା କହିବାକୁ ଚାହାଁନ୍ତି, ତାକୁ ନକହିପାରିଲେ ସୁରବାବୁଙ୍କ ତୁଣ୍ଡରେ କୁହାନ୍ତି। ଏହାଛଡ଼ା କଂଗ୍ରେସ ବିଧାୟକ ପ୍ରାର୍ଥୀ ପ୍ରଣୟ ସାହୁଙ୍କ ପାଇଁ ପ୍ରଚାର କରିବାକୁ ସୁରବାବୁ ନିଜେ ବିଜେପୁର ଯାଇଥିଲେ। ପ୍ରସାଦବାବୁ, ଜୟଦେବ ଯେନା ଓ ଅନ୍ୟ ନେତାମାନେ ମଧ୍ୟ ଅନେକ ଦିନ ରହି ପ୍ରଚାର କରିଥିଲେ। ଏଥିପାଇଁ କୌଣସି ବିଧାୟକମାନଙ୍କୁ ଡକାଯାଇନଥିଲା। ଏପରିପେକ୍ଷୀରେ କିଏ କାହାକୁ ହରାଇବା ପାଇଁ ପ୍ରୟାସ କରିଥିଲେ ମୁଁ ଜାଣିନାହିଁ। ଯଦି ସିଏ (ସୁର) ନିଜେ ଚେଷ୍ଟା କରିଥିବେ ହରାଇବା ପାଇଁ, ନିଜେ କରିଥିବେ। କିନ୍ତୁ ଏହା ସତ କଂଗ୍ରେସ ଭିତରେ କୌଣସି ନେତା ହରାଇବା ପାଇଁ ପ୍ରୟାସ କରିନାହାନ୍ତି। କଂଗ୍ରେସର ଯେତିକି ନେତା ବିଜେପୁର ଯାଇଛନ୍ତି, ସମସ୍ତେ ପ୍ରାର୍ଥୀଙ୍କୁ ଜିତେଇବା ପାଇଁ ଚେଷ୍ଟା କରିଥିଲେ।&rdquo;</p><p>ପ୍ରସାଦଙ୍କ ଇସ୍ତଫା ନେଇ ତାରା କହିଛନ୍ତି-&ldquo;ପିସିସି ସଭାପତି ପ୍ରସାଦ ହରିଚନ୍ଦନ ଇସ୍ତଫା ଦେଇଥିବାରୁ ତାଙ୍କୁ ବହୁତ ବହୁତ ବଧେଇ। ବହୁ ଆଗରୁ ସେ ଇସ୍ତଫା ଦେବାର ଥିଲା। ଗତ ପଞ୍ଚାୟତ ନିର୍ବାଚନରେ ଯେପରି ଭାବେ କଂଗ୍ରେସ ହାରିଲା, ସେହି ସମୟରେ ପ୍ରସାଦବାବୁ ପଦ ଛାଡ଼ିବାର ଥିଲା।&rdquo;</p><p>ସେ କହିଛନ୍ତି-&ldquo;ପ୍ରସାଦବାବୁଙ୍କ ପରେ ଯିଏ ବି ପିସିସି ସଭାପତି ହେବେ ତାଙ୍କୁ ସମସ୍ତେ ସହଯୋଗ କରିବା ଦରକାର। ନିରଞ୍ଜନ ପଟ୍ଟନାୟକ ହେଲେ ଭଲ ହେବ। ଯେତେ ଶୀଘ୍ର ପିସିସି ସଭାପତି ଚୟନ ହେବେ, ସେତେ ଭଲ ହେବ। କାରଣ ୨୦୧୯ ସାଧାରଣ ନିର୍ବାଚନ ଅଳ୍ପ ଦିନ ରହିଲା। ବର୍ତ୍ତମାନ ପରିପ୍ରେକ୍ଷୀରେ ବିଜେଡି ଓ ବିଜେପି ଯେମିତି ଏଗ୍ରେସିଭ୍&zwnj; ହୋଇ ବିଜେପୁର ଉପନିର୍ବାଚନରେ ଅର୍ଥ ବଳ, ବାହୁବଳ ଓ ମନ୍ତ୍ରୀବଳ ନିର୍ବାଚନରେ ବ୍ୟବହାର କରିଛନ୍ତି, ଏହାକୁ ପ୍ରତିହତ କରିବାକୁ ହେଲେ କଂଗ୍ରେସ ମଧ୍ୟ ସେହିପ୍ରକାର କର୍ମୀମାନଙ୍କୁ ଉତ୍ସାହିତ କରିବା ଦରକାର। ରାହୁଲ ଗାନ୍ଧି ଯଥାଶୀଘ୍ର ପ୍ରସାଦଙ୍କ ଇସ୍ତଫାପତ୍ର ଗ୍ରହଣ କରି ନୂଆ ପିସିସି ମୁଖିଅ ଚୟନ କଲେ ଦଳ ପାଇଁ ବହୁ ଭଲ ହେବ।&rdquo;</p><p>&lt;strong&gt;&lt;span style=&quot;color: #ff0000;&quot;&gt;ଶୁଣନ୍ତୁ ପୂର୍ବରୁ ସୁର ରାଉତରାୟ କଣ କହିଥିଲେ:&nbsp;&lt;/span&gt;&lt;/strong&gt;&lt;a href=&quot;http://odishareporter.in/odisha/sura-criticized-congress-bjd-and-bjp/&quot;&gt;&lt;span style=&quot;color: #ff0000;&quot;&gt;ଗୁଗୁଲି ମାରିଲେ ସୁର: କହିଲେ, ଆମକୁ ହରେଇବାକୁ ଷଡ଼ଯନ୍ତ୍ର କରିଥିଲେ ୩ ନେତା, କଂଗ୍ରେସ ପାଇଁ ପ୍ରଚାର କରିଥିଲେ ବିଜେଡି ନେତା&lt;/span&gt;&lt;/a&gt;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।