କଟକରେ ମାଲବାହୀ ଟ୍ରେନ ଲାଇନଚ୍ୟୁତ: ନରାଜ ରୁଟରେ ରେଳ ଚଳାଚଳ ବନ୍ଦ

କଟକ: କଟକ ମାର୍ଥାପୁର ନିକଟରେ ଗୁରୁବାର ଏକ ମାଲବାହୀ ଟ୍ରେନ ଲାଇନଚ୍ୟୁତ ହୋଇଯାଇଛି । ଟ୍ରେନର ଗୋଟିଏ ବଗି ଲାଇନଚ୍ୟୁତ ହୋଇଯିବା ପରେ ନରାଜ ରୁଟରେ ରେଳ ଚଳାଚଳ ବନ୍ଦ ହୋଇଯାଇଛି । ଗୁରୁବାର ସକାଳେ ଏହି ଘଟଣା ଘଟିଛି । ଫଳରେ ଏହି ରୁଟରେ ସମ୍ବଲପୁର-ପୁରୀ ପାସେଞ୍ଜର ସହ କିଛି ଗାଡିର ଗତିପଥ ପରିବର୍ତ୍ତନ କରାଯାଇଛି । ଖବର ପାଇ ରେଳ ବିଭାଗର ଅଧିକାରୀମାନେ ଦୁର୍ଘଟଣା ସ୍ଥଳରେ ପହଞ୍ଚିଛନ୍ତି । ବର୍ତ୍ତମାନ ରେଳ କର୍ମଚାରୀଙ୍କ ପକ୍ଷରୁ ଲାଇନଚ୍ୟୁତ ବଗିକୁ ଧାରଣାରୁ ହଟାବାକୁ ଉଦ୍ୟମ ଚାଲିଛି ।