ପେଟ୍ରୋଲ ପମ୍ପରୁ ଡକାୟତି ଉଦ୍ୟମ ପଣ୍ଡ; ଟିଟୋ ଗ୍ୟାଙ୍ଗର ୪ ଗିରଫ

କଟକ(ଓଡ଼ିଶା ରିପୋର୍ଟର): ଜାତୀୟ ରାଜପଥରେ ଏକ ପେଟ୍ରୋଲ ପମ୍ପରୁ ଡକାୟତି ଉଦ୍ୟମକୁ ପଣ୍ଡ କରିଛି ପୁଲିସ୍‌। ଟିଟୋ ଗ୍ୟାଙ୍ଗର ୪ଜଣ ସହଯୋଗୀଙ୍କୁ ଗିରଫ କରିଛି କଟକ ଜିଲ୍ଲା ଚାଉଳିଆଗଞ୍ଜ  ପୁଲିସ୍‌। ଦୁର୍ବୃତ୍ତଙ୍କଠାରୁ ଗୋଟିଏ ବନ୍ଧୁକ ସହ ମାରଣାସ୍ତ୍ର, ୩ ରାଉଣ୍ଡ ଗୁଳି, ୨ଟି ମୋଟରସାଇକେଲ ଓ ମୋବାଇଲ ଜବତ କରାଯାଇଛି ।

ଦୁର୍ଦ୍ଦାନ୍ତ ଅପରାଧୀ ଅଖନାର ସହଯୋଗୀ ଭାବେ ଏମାନେ ଅପରାଧ ଘଟାଇଥାନ୍ତି ବୋଲି ସୂଚନା ମିଳିଛି। ଗିରଫ ଅଭିଯୁକ୍ତଙ୍କ ବିରୋଧରେ ହତ୍ୟା, ହତ୍ୟା ଉଦ୍ୟମ, ଡକାୟତି, ଲୁଟ୍, ଦାଦାବଟି ଆଦାୟ ଭଳି ସଙ୍ଗିନ ମାମଲା ରହିଛି ।

ଲକ୍‌ଡାଉନ୍‌ ନିୟମ ପାଳନର କଡ଼ାକଡ଼ି ଯାଞ୍ଚ ପୁଲିସ୍‌ କରୁଥିବା ବେଳେ ଖୁଲମଖୁଲା ଅପରାଧ ଘଟାଉଛନ୍ତି ଅପରାଧୀ। କେତେବେଳେ ବନ୍ଧୁକ ମୁନରେ ପୁଲିସ୍‌ଠୁ ଲୁଟୁଛନ୍ତି, ତ କେତେବଳେ ଘରେ ପଶି ମରଣାନ୍ତକ ଆକ୍ରମଣ କରୁଛନ୍ତି।