ନୂଆଦିଲ୍ଲୀ: ଓଡ଼ିଆ ନିର୍ଦ୍ଦେଶକ ନୀଳମାଧବ ପଣ୍ଡାଙ୍କୁ ମିଳିଛି ଜାତୀୟ ଚଳଚ୍ଚିତ୍ର ପୁରସ୍କାର। ହିନ୍ଦୀ ଫିଲ୍ମ ‘କଡ଼ୱି ହାୱା’ ପାଇଁ ନୀଳମାଧବ ଆଜି ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କଠାରୁ ଏହି ପୁରସ୍କାର ଗ୍ରହଣ କରିଛନ୍ତି। ସେହିପରି ପ୍ରଯୋଜକ ଅକ୍ଷୟ ପରିଜା ମଧ୍ୟ ଏହି ସିନେମା ପାଇଁ ପୁରସ୍କୃତ ହୋଇଛନ୍ତି। ଅନ୍ୟ ଓଡିଆ ଭାବେ ଲିପିକା ସିଂ ଦରାଇ ନନ୍ ଫିଚର ଫିଲ୍ମ କାଟାଗୋରିରେ ଶ୍ରେଷ୍ଠ ଶିକ୍ଷାଭିତ୍ତିକ ଫିଲ୍ମ ‘ଦ ଓ୍ୱାଟର ଫଲ୍’ ପାଇଁ ପୁରସ୍କୃତ ହୋଇଛନ୍ତି। ସେହିପରି ଶିବୁ ପୃଷ୍ଟି ଓ ଶଙ୍ଖଜିତ୍ ଦେ ଶ୍ରେଷ୍ଠ କଳା ଓ ସଂସ୍କୃତି ଶ୍ରେଣୀରେ ‘ଦ-ଲର୍ଡ-ଅଫ୍ ୟୁନିଭର୍ସ’ ଫିଲ୍ମ ପାଇଁ ପୁରସ୍କୃତ ହୋଇଛନ୍ତି।
ସୋନମ କପୁର ଅଭିନୀତ ଫିଲ୍ମ ନିରଜାକୁ ମିଳିଛି ଶ୍ରେଷ୍ଠ ହିନ୍ଦୀ ଫିଲ୍ମ ପୁରସ୍କାର। ଅମିତାଭ ବଚ୍ଚନ ଅଭିନୀତ ‘ପିଙ୍କ୍’ ସାମାଜିକ ବିଭାଗରେ ଶ୍ରେଷ୍ଠ ଫିଲ୍ମ ଭାବେ ପୁରସ୍କୃତ ହୋଇଛି। ରୁସ୍ତମ ପାଇଁ ଅକ୍ଷୟ କୁମାର ପାଇଛନ୍ତି ଶ୍ରେଷ୍ଠ ଅଭିନେତା ପୁରସ୍କାର।