ନୂଆଦିଲ୍ଲୀ: ବରିଷ୍ଠ ବିଜେପି ନେତ୍ରୀ ତଥା ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କର ଗତ ରାତିରେ ହୃଦଘାତରେ ପରଲୋକ ହୋଇଯାଇଛି। ମଙ୍ଗଳବାର ରାତିରେ ନୂଆଦିଲ୍ଲୀସ୍ଥିତ ଏମ୍ସ ହସ୍ପିଟାଲ୍ରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୬୭ ବର୍ଷ ହୋଇଥିଲା।
ସୁଷମାଙ୍କ ଅକାଳ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଜେପି ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ଗଭୀର ଶୋକ ପ୍ରକାଶ କରିଛନ୍ତି।
ଧର୍ମେନ୍ଦ୍ର ଟ୍ୱିଟ୍ କରି କହିଛନ୍ତି,ସୁଷମା ସ୍ୱରାଜ ବଡ଼ ଭଉଣୀ ସଦୃଶ ଥିଲେ। ସେ ଲୌହ ଭଳି କଠିନ ଓ ମା’ ଭଳି କୋମଳ ଥିଲେ। ସୁଷମା ନାରୀ ଶକ୍ତିର ପ୍ରତୀକ ଥିଲେ। ବିଶ୍ୱ ସ୍ତରରେ ସେ ଭାରତର ସ୍ୱରକୁ ଦୃଢ ଭାବେ ଉପସ୍ଥାପନ କରି ପାରୁଥିଲେ।
Tough like iron and humane like a mother, Sushma ji was the force behind the tectonic shift behind India’s voice being effectively heard at global platforms, she truly epitomised the #NariShakti of India.
— Dharmendra Pradhan (@dpradhanbjp) August 6, 2019
ସେ ଆହୁରି ଟ୍ୱିଟ୍ରେ ଉଲ୍ଲେଖ କରିଛନ୍ତି ଯେ, ସୁଷମା ମହାନ ରାଷ୍ଟ୍ରନେତା ଥିଲେ। ତାଙ୍କ ପରଲୋକରେ ଦେଶ ସମେତ ମୋର ମଧ୍ୟ ଅପୂରଣୀୟ କ୍ଷତି ହୋଇଛି। ତାଙ୍କ ବିୟୋଗରେ ସୃଷ୍ଟି ହୋଇଥିବା ଖାଲି ସ୍ଥାନ କେବେବି ପୂରଣ ହୋଇପାରିବ ନାହିଁ।
ସେହିପରି ବୈଜୟନ୍ତ ଟ୍ୱିଟ୍ କରି କହିଛନ୍ତି,ମୁଁ ସୁଷମାଙ୍କ ବିୟୋଗରେ ଗଭୀର ଦୁଃଖିତ, ମର୍ମାହତ। କୋଟି କୋଟି ଲୋକଙ୍କ ପାଇଁ ସୁଷମା ଥିଲେ ଆଇକନ୍ ଓ ରୋଲ ମଡେଲ। ତାଙ୍କ ପରି ମହାନ୍ ରାଜନେତାଙ୍କଠାରୁ ବହୁତ କିଛି ଶିଖିବାକୁ ପାଇଛି।
Shocked & terribly saddened at #SushmaSwaraj Ji's passing. She had not been keeping well, but this is all too sudden.
She was an icon, a role model for millions & a senior to whom I looked up.
Her last tweet a few hours ago had cherished seeing history made today.
Om Shanti🙏🙏🙏— Baijayant Jay Panda (@PandaJay) August 6, 2019
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
