ବ୍ୟାଙ୍କକ୍‌ରୁ ଭୁବନେଶ୍ୱରକୁ ସିଧାସଳଖ ଆସିଲା ବିମାନ

ଭୁବନେଶ୍ୱର: ପ୍ରଥମ ଥର ପାଇଁ ସିଧାସଳଖ ଥାଇଲାଣ୍ଡର ବ୍ୟାଙ୍କକ୍‌ରୁ ଆସି ଆଜି ବିଜୁପଟ୍ଟନାୟକ ବିମାନ ବନ୍ଦରରେ ପହଞ୍ଚିଛି ଏୟାର ଇଣ୍ଡିଆର ଫ୍ଳାଇଟ୍ ଏୟାର ବସ୍- ୩୨୦। ଯାତ୍ରୀଙ୍କ ବିମାନ ବନ୍ଦରରେ ଭବ୍ୟ ସମ୍ୱର୍ଦ୍ଧନା କରାଯାଇଛି। ଏହି ସମ୍ୱର୍ଦ୍ଧନାରେ ରାଜ୍ୟ ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା ସାମିଲ ହୋଇଥିଲେ। ଏହି ବିମାନ ସପ୍ତାହକୁ ଦୁଇ ଦିନ ଉଡ଼ାଣ ଭରିବ।

ଏହି ବିମାନରେ ଥରକେ ଯାତ୍ରା କରି ପାରିବେ ୧୮୦ ଯାତ୍ରୀ। ଏହି ବିମାନ ଚଳାଚଳ ଦ୍ୱାରା ଓଡ଼ିଶାର ପର୍ଯ୍ୟଟନ ଶିଳ୍ପ ସମୃଦ୍ଧ ହେବା ସହ ଦକ୍ଷିଣ-ପୂର୍ବ ଏସିଆ ସହ ସମ୍ପର୍କ ସୁଦୃଢ଼ ହୋଇପାରିବ।

ଚଳିତ ବର୍ଷ ଏପ୍ରିଲରେ ଭୁବନେଶ୍ୱରରୁ ପ୍ରଥମ ଥର ପାଇଁ ସିଧାସଳଖ ମାଲେସିଆ ରାଜଧାନୀ କୁଆଲାଲମ୍ପୁରକୁ ପ୍ରଥମ ଅନ୍ତର୍ଜାତୀୟ ବିମାନ ଉଡ଼ାଣ ଆରମ୍ଭ କରିଥିଲା ଏୟାର ଏସିଆ।