ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଭୁବନେଶ୍ୱରରୁ କୁଆଲାଲମ୍ପୁର ପରେ ଏବେ ସିଧାସଳଖ ବ୍ୟାଙ୍କକ ଉଡ଼ିବ ବିମାନ। ଏୟାର ଏସିଆ ପକ୍ଷରୁ ଦିଆଯାଉଥିବା ପ୍ରସ୍ତାବକୁ ଗ୍ରୀନ୍ ସିଗନାଲ୍ ଦେଇଛନ୍ତି ରାଜ୍ୟ ସରକାର। ଆସନ୍ତା ବର୍ଷରୁ ଏୟାର ଏସିଆ ତାର ଉଡ଼ାଣ ଆରମ୍ଭ କରିବ। ସେହିଭଳି ଏୟାର ଇଣ୍ଡିଆ ମଧ୍ୟ ଭୁବନେଶ୍ୱରରୁ ଭାୟା ଗୟା ଦେଇ ବ୍ୟାଙ୍କକକୁ ବିମାନ ଉଡ଼ାଣ ପାଇଁ ରାଜ୍ୟ ସରକାରଙ୍କୁ ଅନୁମତି ମାଗିଛି।</p> <p>ଏୟାର ଇଣ୍ଡିଆର ପ୍ରସ୍ତାବ ଉପରେ ବିଚାର ବିମର୍ଷ ଜାରି ରହିଥିବା ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା ସୂଚନା ଦେଇଛନ୍ତି। ପ୍ରଥମ ଥର ପାଇଁ ଏୟାର ଏସିଆର ବିମାନ ଭୁବନେଶ୍ୱରରୁ କୁଆଲାଲମ୍ପୁରକୁ ଉଡ଼ାଣ ଆରମ୍ଭ କରିଥିଲା। ପ୍ରାରମ୍ଭିକ ସମୟରେ ସପ୍ତାହକୁ ୪ ଦିନ ବିମାନ ଉଡ଼ାଣ କରୁଥିବାବେଳେ ବର୍ତ୍ତମାନ ପ୍ରତିଦିନ ବିମାନ ଭୁବନେଶ୍ୱରରୁ କୁଆଲାଲମ୍ପୁରକୁ ଯାଉଛି।</p> <p>ଭୁବନେଶ୍ୱରରୁ ସିଧାସଳଖ ବ୍ୟାଙ୍କକ୍‌ ବିମାନ ଉଡ଼ାଣ ପ୍ରସଙ୍ଗରେ ଟ୍ୱିଟ୍ କରି ପ୍ରତିକ୍ରିୟା ରଖିଛନ୍ତି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା। ସେ କହିଛନ୍ତି,“କୁଆଲାଲମ୍ପୁର ପରେ ଏହା ହେଉଛି ରାଜ୍ୟ ପାଇଁ ଦ୍ୱିତୀୟ ନନ୍ ଷ୍ଟପ ଇଣ୍ଟରନ୍ୟାସନାଲ ଫ୍ଲାଇଟ୍। ବାଣିଜ୍ୟ ଓ ଭ୍ରମଣ କ୍ଷେତ୍ରରେ ଓଡ଼ିଶା ବା ତତ୍କାଳୀନ କଳିଙ୍ଗ ଓ ଦକ୍ଷିଣ ପୂର୍ବ ଏସିଆ ମଧ୍ୟରେ ସମ୍ପର୍କ ପୁଣି ଥରେ ପ୍ରତିଷ୍ଠା ହେଉଥିବାରୁ ଖୁସି ଲାଗୁଛି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
