ବିନିକା(ଦିଲୀପ ସାହୁ): ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ଯୁବ ଚାଷୀଙ୍କ ମୃତ୍ୟୁ ପରେ ଲାଇନ୍ମ୍ୟାନଙ୍କୁ ଗଛରେ ବାନ୍ଧି ପକାଇଲେ ଲୋକେ । ଏହାକୁ ନେଇ ଗାଁରେ ଲାଗି ରହିଛି ଉତ୍ତେଜନା । ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଗିଧମାଲ ଗାଁରେ ଆଜି ଏପରି ଘଟଣା ଘଟିଛି।
ମୃତକ ହେଲେ କୈଳାସ ଚନ୍ଦ୍ର ସାହୁ। ଗତ ରାତିରେ ସେ ବିଲକୁ ପାଣି ମଡ଼ାଇବାକୁ ଯାଇଥିଲେ। ବହୁତ ସମୟ ପରେ ବି ନ ଫେରିବାରୁ ପରିବାର ଓ ଗାଁ ଲୋକେ ଖୋଜାଖୋଜି କରିଥିଲେ। ଆଜି ସକାଳେ ଟ୍ରାନ୍ସଫର୍ମର ନିକଟରୁ ହିଁ କୈଳାସଙ୍କ ମୃତଦେହ ମିଳିଥିଲା। ଫ୍ୟୁଜ୍ ବାନ୍ଧିବାକୁ ଯାଇ ବିଦ୍ୟୁତ୍ ଆଘାତରେ ତାଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି। ଏହାକୁ ନେଇ ଗାଁରେ ଦେଖା ଦେଇଥିଲା ଉତ୍ତେଜନା।
ଖବର ପାଇ ରାମପୁର ସେକ୍ସନର ଲାଇନ ମ୍ୟାନ ସକାଳ ପ୍ରାୟ ୯ଟାରେ ଘଟଣାସ୍ଥଳକୁ ଆସିବା ପରେ ତାଙ୍କୁ ଗାଁ ଲୋକେ ବାନ୍ଧି ପକାଇଥିଲେ। ରିପୋର୍ଟ ଲେଖା ହେବା ପର୍ଯ୍ୟନ୍ତ ତାଙ୍କୁ ଉଦ୍ଧାର କରିବା ନିମନ୍ତେ ପୁଲିସ୍ କିମ୍ବା ବିଭାଗୀୟ ଅଧିକାରୀ ପହଞ୍ଚି ନ ଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
