କେଉଁ ପରିସ୍ଥିତିରେ ଆହତ ହେଲେ ଅନୁଭବ, ଜାଣନ୍ତୁ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଫିଲ୍ମ ସୁଟିଂ ବେଳେ ପଡ଼ିଯାଇ ଆହତ ହୋଇଛନ୍ତି ଓଲିଉଡ୍&zwnj;ର ସୁପରଷ୍ଟାର ଅନୁଭବ ମହାନ୍ତି। ତରଙ୍ଗ ସିନେ ପ୍ରଡକ୍&zwnj;ନ୍ସର ତିଆରି ହେଉଥିବା ଫିଲ୍ମ &lsquo;ପ୍ରେମ କୁମାର&rsquo;ର ସୁଟିଂ ବେଳେ ଏହି ଘଟଣା ଘଟିଛି। ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। &nbsp;ତାଙ୍କ ପାଦରେ ଆଘାତ ଲାଗିଛି। ସୂଚନା ଅନୁଯାଈ ଆଜି କଟକର ମହାନଦୀ ବିହାରରେ ଏକ ଛାତ ଉପରେ ଏକ ଫାଇଟ୍&zwnj; ସିନ୍ ସୁଟିଂ ହେଉଥିଲା। ଫାଇଟ୍&zwnj; ମାଷ୍ଟର ଥିଲେ ରସିଦ୍&zwnj; ମେହେତା। ଦୃଶ୍ୟଟି ଷ୍ଟଣ୍ଟ ଥିଲା।</p> <p>ଅନୁଭବ ଉକ୍ତ ଛାତର ଶିଡ଼ି ଘର ୧୦ ଫୁଟ୍&zwnj; ଉପରୁ ସେହି ଛାତକୁ ଡେଇଁଥିଲେ। ତେବେ ଛାତ ଉପରେ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଥିଲା। ହେଲେ ଡେଇଁବା ବେଳେ କୌଣସି କାରଣରୁ ଅନୁଭବଙ୍କ ଗୋଡ଼ ସାମାନ୍ୟ ମଚକି ଯାଇଥିଲା।&nbsp; ତେବେ ଘଟଣା ପରେ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। &nbsp;ଏ ସମ୍ପର୍କରେ ନିଜେ ଅନୁଭବ ପ୍ରତିକ୍ରିୟା ରଖିଛନ୍ତି।</p> <p>କହିଛନ୍ତି ଏହି ଖବର ଶୁଣି ସମସ୍ତେ ବ୍ୟସ୍ତ ହୋଇପଡ଼ିଥିବେ। ଷ୍ଟଣ୍ଟ ଦେବା ସମୟରେ ସାମାନ୍ୟ ଆଘାତ ହୋଇଛି। ଚିକିତ୍ସା ଚାଲିଛି। ଖୁବ ଶୀଘ୍ର ଭଲ ହୋଇଯିବି ବୋଲି ମୁଁ ଆଶା କରୁଛି।&nbsp; ଆପଣମାନଙ୍କ ଭଲ ପାଇବା ଓ ଆଶୀର୍ବାଦ ଅଛି। ଖୁବ୍&zwnj; ଶୀଘ୍ର ସୁଟିଂକୁ ଫେରୁଛି ବୋଲି ସେ କହିଛନ୍ତି। ସେ ସୁସ୍ଥ ଥିବା ନେଇ ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି। ଅନୁଭବଙ୍କ ପାଖରେ ଫିଲ୍ମର ନିର୍ଦ୍ଦେଶକ ତାପସ ସରଘରିଆ ସହ ପୂରା ଟିମ୍&zwnj; ଉପସ୍ଥିତ ରହିଛି।</p>