ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଜଗତସିଂହପୁର: ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ମଣିଜଙ୍ଗା ପଞ୍ଚାୟତ ସିନ୍ଧଳ ଗାଁରେ ଏକ ଅଭାବନୀୟ ଘଟଣା ଘଟିଛି। ଘରେ ପଶି ଗୋଟିଏ ପରିବାରର ୩ ଜଣଙ୍କୁ ଗୁଳିମାଡ଼ କରାଯାଇଛି। ଜଣଙ୍କର ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ଆହତ ହୋଇଛନ୍ତି। ମୃତକ ହେଲେ ଅନ୍ତର୍ଯ୍ୟାମୀ ଖୁଣ୍ଟିଆ। ଅଭିଯୋଗ ଅନୁସାରେ, ଗତକାଲି ରାତି ପ୍ରାୟ ଗୋଟାଏରେ ଏକ ବାଇକରେ ଦୁଇ ଜଣ ଡକାୟତ ଅନ୍ତର୍ଯ୍ୟାମୀଙ୍କ ଘର କବାଟ ବାଡ଼େଇଥିଲେ। କବାଟ ଖୋଲିବା ପରେ ଅନ୍ତର୍ଯ୍ୟାମୀଙ୍କୁ ଗୁଳିମାଡ଼ କରିଥିଲେ। ଗୁଳିମାଡ଼ ଶଦ୍ଦ ଶୁଣି ଅନ୍ତର୍ଯ୍ୟମୀଙ୍କ ଭାଇ ବିଶ୍ୱପ୍ରେମୀ ଉଠିପଡି ଡକାୟତଙ୍କୁ ବିରୋଧ କରିବାରୁ ତାଙ୍କୁ ମଧ୍ୟ ଗୁଳିମାଡ଼ ହୋଇଥିଲା। ପରେ ଘରର ଆଉ ଜଣେ ସଦସ୍ୟଙ୍କୁ ବି ଗୁଳିମାଡ଼ କରିଥିଲେ ଡକାୟତ ।</p> <p><a href="">(image) </a>ଗୁରୁତର ଅବସ୍ଥାରେ କଟକ ବଡମେଡିକାଲକୁ ୩ଜଣଙ୍କୁ ନିଆଯାଇଥିବା ବେଳେ ଡାକ୍ତରଖାନାରେ ଅନ୍ତର୍ଯ୍ୟାମୀଙ୍କୁ ମୃତ ଘୋଷଣା କରାଯାଇଥିଲା। ଅନ୍ୟ ୨ଜଣ ବର୍ତ୍ତମାନ ଏସସିବିରେ ଚିକିତ୍ସାଧୀନ ଅଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ପୂର୍ବ ଶତ୍ରୁତାରୁ ଗୁଳିମାଡ଼ ହୋଇଥିବା ସନ୍ଦେହ କରାଯାଉଛି।</p> <p>https://www.youtube.com/watch?v=6CjT3KCqaIU</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
