ବୃନ୍ଦାବନର ରାଧେ ଗୋବିନ୍ଦ ଶ୍ରୀକ୍ଷେତ୍ରରେ ମାଗୁଛନ୍ତି ଭିକ

<p>ପୁରୀ (ଓଡ଼ିଶା ରିପୋର୍ଟର): ଭାରତ ହେଉଛି ଦେବଭୂମୀ। ଏଠାକୁ ବିଦେଶରୁ ଆସୁଥିବା ଅତିଥିଙ୍କୁ ଦେବତା ଭାବେ ବିବେଚନା କରାଯାଏ। ସେଥିପାଇଁ ଭାରତର ଆତିଥେୟତାରେ ଖୁସି ହୋଇ ପ୍ରତି ଦିନ ବିଦେଶରୁ ଶହଶହ ପର୍ଯ୍ୟଟକ ଆସିଥାଆନ୍ତି। ନିଜର କ୍ୟାମେରା ଲେନ୍ସରେ କଏଦ କରନ୍ତି ଭାରତ ମାଟିର ଅନନ୍ୟ ରୂପ ଓ ସୌନ୍ଦର୍ଯ୍ୟକୁ। ଆଉ ଫେରିଲା ବେଳକୁ ଆମ ଦେଶର କଳା, ସଂସ୍କୃତି ଓ ପର୍ଯ୍ୟଟନ ସ୍ଥଳରେ ବିତେଇଥିବା ସ୍ମୃତିକୁ ସାଉଣ୍ଟି ନିଅନ୍ତି।</p><p>ଏହି ମାୟାରେ ପଡ଼ିଥିଲେ ଋଷୀୟ ନାଗରିକ ଆଣ୍ଡ୍ରି ଗ୍ଲୋଗୋଲିଭ୍&zwnj;। ବ୍ରଜ ଭୂମି ବୃନ୍ଦାବନକୁ ଆସି କୃଷ୍ଣ ମାୟାରେ ବିମୋହୀତ ହେବା ପରେ ସେ ପାଲଟିଯାଆନ୍ତି ରାଧେ ଗୋବିନ୍ଦ। ଏହି ନାଁରେ ପରିଚିତ ହୁଅନ୍ତି ସେ। ସମୟକ୍ରମେ ବ୍ରଜ ମାଟିକୁ ଭଲ ପାଇବସନ୍ତି। ପେଟ ପୋଷିବାକୁ ଚାକିରି ବି କରନ୍ତି। କୃଷ୍ଣ ଭକ୍ତି ସହ ସାଧାରଣ ଜୀବନଚଯ୍ୟା ଠିକ୍&zwnj;ଠାକ୍&zwnj; ଚାଲିଥିବା ବେଳେ ହଠାତ୍&zwnj; କୌଣସି କାରଣରୁ ଚାକିରି ହରାନ୍ତି। ଆଉ ତା&rsquo; ପରେ ଯେମିତି ସବୁ ଓଲଟ ପାଲଟ ହୋଇଯାଏ। ମୁଣ୍ଡକୁ ଛାତ ଖଣ୍ଡିଏ ନ ଥିବାରୁ ଫୁଟ୍&zwnj;ପାଥ୍&zwnj;ରେ ଦିନ ବିତାନ୍ତି। ଚିରା, କତରାରେ ରାତି। ଦେହକୁ ଭଲ ଖଣ୍ଡେ ପିନ୍ଧିବାକୁ ପାଆନ୍ତି ନାହିଁ। ଏଭଳି ସ୍ଥିତିରେ ଗୋଟିଏ ସ୍ଥାନରେ ରହିବା ତାଙ୍କ ଲାଗି ସମ୍ଭବ ହୁଏନି। ଆଉ ଭାଗ୍ୟର ବିଡମ୍ବନାରେ ସେ ଆସି ଚାଲିଆସନ୍ତି ଶ୍ରୀକ୍ଷେତ୍ରର ବଡ଼ ଦାଣ୍ଡକୁ।</p><p>ଗତ ଦୁଇ ଦିନ ହେବ ଶ୍ରୀମନ୍ଦିର ଅରୁଣ ସ୍ତମ୍ଭ କଡ଼ରେ ବସିଛନ୍ତି ବ୍ରଜ। ପାଖରେ ଗୋପାଳେ ମୂର୍ତ୍ତି, କପାଳରେ ତିଳକ ଓ ହାତରେ ଗିନି ଧରିଛନ୍ତି। ଶ୍ରୀମନ୍ଦିର ଭିତରକୁ ଯାଉଥିବା ଶ୍ରଦ୍ଧାଳୁମାନେ ଯିଏ ଯାହା ପାଏ, ଟଙ୍କା ଦେଇ ଯାଆନ୍ତି। ଶ୍ରଦ୍ଧାଳୁଙ୍କ ଦାନ ଅର୍ଥକୁ ବ୍ରଜ ସାଉଁଣ୍ଟି ନିଜ ବ୍ୟାଗରେ ରଖୁଛନ୍ତି। ରାତି ହେଲେ ପୁରୀ ଷ୍ଟେସନ୍&zwnj;ରେ ବିଶ୍ରାମ ନେଉଛନ୍ତି। ବ୍ରଜ ଭାରତରେ ଶରଣାର୍ଥୀ ହୋଇ ରହିବାକୁ ଚାହୁଁଛନ୍ତି ବୋଲି କହିଛନ୍ତି। ଏନେଇ ଖବର ପ୍ରକାଶ ପାଇବା ପରେ ସଂଯୁକ୍ତ ରାଷ୍ଟ୍ର ଶରଣାର୍ଥୀ ଉଚ୍ଚ ଆୟୁକ୍ତ ବ୍ରଜଙ୍କୁ ନୋଟିସ୍&zwnj; ଜାରି କରିଛନ୍ତି। ଜାନୁଆରୀ ୮ ତାରିଖରେ ସୁଦ୍ଧା ନୂଆଦିଲ୍ଲୀ ବସନ୍ତବିହାରରେ ହାଜର ହେବାକୁ ନୋଟିସ୍&zwnj; କରାଯାଇଛି। ମାତ୍ର ଅର୍ଥ ଅଭାବରୁ ସେ ଦିଲ୍ଲୀ ଯାଇପାରୁ ନାହାନ୍ତି। ସେଥିପାଇଁ ସେ ଭିକ୍ଷାବୃତ୍ତି କରୁଛନ୍ତି।</p><p>ବିଦେଶୀ ନାଗରିକ ଭିକ ମାଗିବା ଖବର &nbsp;ଜାଣା ପଡ଼ିବା ପରେ ତତ୍ପର ହୋଇ ପଡ଼ିଛି ପୋଲିସ। ସେ ପୁରୀକୁ କେବେ ଓ କାହିଁ ଆସିଛି ସେସମ୍ପର୍କରେ ଜାଣିବା ପାଇଁ ସିଂହଦ୍ୱାର ଥାନାରେ ତାଙ୍କ ଭିସା ଯାଞ୍ଚ କରାଯାଇଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।