ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ: ଗଛ ଲଗାଅ, ପରିବେଶ ବଂଚାଅ। ଏହି ସ୍ଲୋଗାନ ଦେଇ ଜଙ୍ଗଲ ରକ୍ଷା ଲାଗି କେତେ କଣ ପଦକ୍ଷେପ ନିଆଯାଉଛି ସରକାରୀ ସ୍ତରରେ। ହେଲେ ଏହା କେବଳ ଲୋକ ଦେଖାଣିଆରେ ପରିଣତ ହୋଇଛି ଓ ମାଫିଆଙ୍କ କବ୍‌ଜାରେ ରହିଛି ଜଙ୍ଗଲ। ଅବାଧରେ ଚାଲିଛି ଗଛ କଟା। ଆଉ ବିଡ଼ା ବିଡ଼ା କାଠ ବୋହି ନେଉଛନ୍ତି ଲୋକେ। ଲାଗୁଛି ଯେମିତି କିଛିଦିନ ପରେ ସଫା ହୋଇଯିବ ଏହି ଜଙ୍ଗଲ। ଏଭଳି ଅଭିଯୋଗ ଆସିଛି ପୁରୀ ବାଲୁଖଣ୍ଡ ବନାଞ୍ଚଳରୁ।</p> <p>ପୁରୀ ବାଲୁଖଣ୍ଡ ମୌଜାରେ ୪୪୮ ଏକର ମଧୁର ଜଳ ସଂରକ୍ଷଣ ଅଞ୍ଚଳ ଅଛି। ଏଠାରୁ ପୁରୀକୁ ପାନୀୟ ଜଳ ଯୋଗାଣ ହୁଏ। ଏହାକୁ ପ୍ରଦୂଷଣ ଓ ଜବରଦଖଲ ମୁକ୍ତ କରିବାକୁ ୨୦୦୯ରେ ୬୬ ଲକ୍ଷ ଟଙ୍କା ବ୍ୟୟରେ ଜଙ୍ଗଲ ସୃଷ୍ଟି କରାଯାଇଥିଲା। ପ୍ରତିବର୍ଷ କିଛି କିଛି ଗଛ ଲଗାଯାଉଛି। କିନ୍ତୁ ୯ ବର୍ଷ ଭିତରେ ଯେଉଁ ଜଙ୍ଗଲ ସୃଷ୍ଟି କରାଯାଇଛି, ବନ ବିଭାଗର ଉଦାସୀନତା ଯୋଗୁଁ ତାହା ନଷ୍ଟ ହେବାକୁ ଲାଗିଛି। ଆଉ ଏହି ଜଙ୍ଗଲରେ ଯେଉଁ କିଛି ଗଛ ରହିଛି ଦିନ ଦ୍ୱିପହରରେ ଏହାକୁ କାଟି ନେଉଛନ୍ତି ମାଫିଆ। ଗଛ କଟା ହେଉଥିବା ନେଇ ଖବର ଥିଲେ ମଧ୍ୟ ବିଭାଗୀୟ କର୍ତ୍ତୃପକ୍ଷ ଦୁର୍ବୃତ୍ତଙ୍କୁ ଧରିବାକୁ ଉଦ୍ୟମ କରୁନଥିବା ଅଭିଯୋଗ ହେଉଛି।</p> <p>ଏହି ବନାଞ୍ଚଳରେ ଚାଲିଥିବା ଅବାଧ ଗଛ କଟା ଓ କାଠର ଚୋରା ଚାଲାଣର ଲାଇଭ୍‌ ଦୃଶ୍ୟ ଧରାପଡ଼ିଛି ଘରୋଇ ଚ୍ୟାନେଲ୍‌ ଓଟିଭି କ୍ୟାମେରାରେ। ଜଙ୍ଗଲରୁ କାଠ ନେଉଥିବା ବେଳେ ଜଣେ ବ୍ୟକ୍ତି କ୍ୟାମେରାକୁ ଦେଖି ଜଙ୍ଗଲ ଭିତରକୁ ପଳାଇ ଯାଇଥିଲେ। ଜଙ୍ଗଲ ବିଭାଗ ଅଧିକାରୀ ପହଞ୍ଚିବା ବେଳକୁ ମାତ୍ର ୧୫ ମିନିଟ ଭିତରେ ସେ ଉଭାନ ହୋଇଯାଇଥିଲା। ଯେତେ ଖୋଜାଖୋଜି କରାଯାଇଥିଲେ ମଧ୍ୟ କେହି ତାଙ୍କ ଟେର୍ ପାଇ ନଥିଲେ।</p> <p>ଯଦି ବନ ବିଭାଗ ଏବେଠୁ କିଛି ପଦକ୍ଷେପ ନ ନିଏ, ତେବେ ଏହି ଜଙ୍ଗଲ ପୂରା ପଦା ହୋଇଯିବାର ଆଶଙ୍କା ରହିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
