ବଲାଙ୍ଗିର(ଓଡ଼ିଶା ରିପୋର୍ଟର): ପୁଣି ଗିରଫ ହେଲା ଡନ୍ ଟିମନ କୁମାର। କୌଣସି ସୂତ୍ରରୁ ଖବର ପାଇଁ ବଲାଙ୍ଗିର ସଦର ଥାନା ଅଧିକାରୀ ଯୋଗେଶ୍ୱର ପଣ୍ଡାଙ୍କ ନେତୃତ୍ୱରେ ଏକ ପୁଲିସ ଟିମ ମଙ୍ଗଳବାର ଭୁବନେଶ୍ୱର ପଟିଆ ଅଞ୍ଚଳର ଏକ ଭଡ଼ା ଘରେ ଚଢ଼ଉ କରି ଟିମନ କୁମ୍ଭାର ଓ ତାର ତିନି ସହଯୋଗୀ, ଧର୍ମେନ୍ଦ୍ର ଜାଲ, ଅନିରୁଦ୍ଧ ଦଳବେହେରା, ତ୍ରିନିଥ ସାଗରଙ୍କୁ କାବୁ କରିଥିଲା। ଚାରି ଜଣଙ୍କୁ ଗିରଫ କରି ସଦର ପୁଲିସ କୋର୍ଟ ଚାଲାଣ କରିଛି।
ଟିମନ କୁମ୍ଭାର ନାଁରେ ବଲାଙ୍ଗିର ଟାଉନ ଓ ସଦର ଥାନା ଅଞ୍ଚଳରେ ପ୍ରାୟ ୨୦ଟି ମାମଲା ରହିଛି। ଗିରଫ ଅଭିଯୁକ୍ତଙ୍କ ପାଖରୁ ୫ଟି ମୋବାଇଲ ଫୋନ ଜବତ କରିଛି ପୁଲିସ। ସଦର ଥାନା ପରିସରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଟିମନର ଗିରଫଦାରି ସମ୍ପର୍କରେ ସବିଶେଷ ସୂଚନା ଦେଇଛନ୍ତି ସଦର ଏସ୍ଡିପିଓ ଶ୍ରୀମନ୍ତ ବାରିକ।
ଗତ କିଛି ବର୍ଷ ହେଲା ବଲାଙ୍ଗିର ସହରରେ ଦାଦାବଟି ଅସୁଲି, ବେଆଇନ ଜମି କାରବାର, ହତ୍ୟା ଓ ମାଡ଼ପିଟ ଭଳି ଘଟଣା ଘଟାଇ ହଇଚଇ ସୃଷ୍ଟି କରିଥିଲା ଡନ ଟିମନ କୁମ୍ଭାର। ତାଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
