କଟକ (ଓଡ଼ିଶା ରିପୋର୍ଟର): ନୟାଗଡ଼ର ଯୋଡ଼ା ପେଟ ଶିଶୁ ଗଙ୍ଗା-ଯମୁନାଙ୍କ ସିଟି ସ୍କାନ ରିପୋର୍ଟ ଆସିଛି। ସେମାଙ୍କର ଗୋଟିଏ ହାର୍ଟ ଓ ଗୋଟିଏ ଲିଭର ଥିବା ରିପୋର୍ଟରୁ ଜଣାପଡ଼ିଛି। ଏନେଇ ସୂଚନା ଦେଇଛନ୍ତିକ କଟକ ଶିଶୁ ଭବନ ଅଧିକ୍ଷକ ଡାକ୍ତର ସରୋଜ ଶତପଥୀ।
ଗତ ୧ ତାରିଖ ରାତିରେ ନୟାଗଡ଼ ଜିଲ୍ଲା ଶରଣକୁଳ ଥାନା ଖଳିପାଟଣା ଗାଁର ସୁମିତ୍ରା ଦତ୍ତ ଏକ ନର୍ସିଂହୋମ୍ରେ ଯୋଡ଼ାପେଟ ଶିଶୁ ଗଙ୍ଗା-ଯମୁନା ଜନ୍ମ ଗ୍ରହଣ କରିଥିଲେ। ପରେ ମା’ ଓ ପିଲାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଥିଲା। ସେମାନଙ୍କୁ କଟକ ବଡ଼ ମେଡ଼ିକାଲର ଶିଶୁ ଭବନରେ ଭର୍ତ୍ତି କରାଯାଇଥିଲା। ଉଭୟଙ୍କ ପେଟ ଓ ଛାତି ଯୋଡ଼ି ହୋଇ ରହିଛି। ତେବେ ଗୋଟିଏ ଲିଭର ଥିଲେ ସ୍ଥିତି ଜଟିଳ ହେବ ବୋଲି ପୂର୍ବରୁ ଡାକ୍ତରମାନେ ସନ୍ଦେହ ପ୍ରକାଶ କରୁଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
