ବ୍ରହ୍ମପୁର (ଜଗନ୍ନାଥ ସାହୁ): ଗଞ୍ଜାମ ଜିଲ୍ଲାରେ ପୁଣି ଫୁଟିଛି ଗୁଳି। ଗତଥର ପରି ଏଥର ମଧ୍ୟ ପୁଲିସ୍ ମାରିଛି ଏହି ଗୁଳି। ପୁଲିସ୍ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଜିତୁ ସ୍ୱାଇଁ ଓରଫ ବାଦଲ ଆହତ ହୋଇଛି। ତା’ର ଡାହାଣ ଗୋଡ଼ରେ ଗୁଳି ବାଜିଛି। ଚିକିତ୍ସା ପାଇଁ ତାକୁ ମେଡିକାଲରେ ଭର୍ତ୍ତି କରିଛି ପୁଲିସ୍।
ଗଞ୍ଜାମ ଜିଲ୍ଲା ହିଞ୍ଜିଳିକାଟୁ-ଶେରଗଡ଼ ରାସ୍ତାର ଡେଙ୍ଗାପଦର ଛକରେ ପୁଲିସ୍ ଏହି ଏନ୍କାଉଣ୍ଟର କରିଛି।
ସୂଚନା ଅନୁସାରେ ଗତକାଲି ରାତି ପ୍ରାୟ ଗୋଟାଏ ବେଳେ ଜିତୁ ଓ ତା’ର ଅନ୍ୟ ଜଣେ ସହଯୋଗୀ ଶେରଗଡ଼ ରାସ୍ତାରେ ଯାଉଥିବା ପୁଲିସ୍କୁ ସୂଚନା ମିଳିଥିଲା। ଉଭୟଙ୍କୁ ଧରିବାକୁ ହିଞ୍ଜିଳି ଓ ଶେରଗଡ଼ ପୁଲିସ୍ ରାସ୍ତାକୁ ବ୍ଲକିଂ କରିଥିଲେ।
ରାସ୍ତାରେ ଜିତୁକୁ ଅଟକାଇବା ବେଳେ ସେ ପୁଲିସ୍ ଉପରକୁ ଗୁଳି ମାରି ଫେରାର ହୋଇଯିବାକୁ ଚେଷ୍ଟା କରିଥିଲା। ଏହାର ଜବାବରେ ପୁଲିସ୍ ମଧ୍ୟ ପଲଟା ଗୁଳି ମାରିଥିଲା।
ଜିତୁ ନାଁରେ ହତ୍ୟା ସମେତ ବିଭିନ୍ନ ଅପରାଧିକ ମାମଲା ରହିଛି। ପୁଲିସ ତା’ପାଖରୁ ଗୋଟିଏ ମାଉଜର, ମୋବାଇଲ୍ ସହ ବାଇକ୍ ଜବତ କରିଛି।
https://youtu.be/Mf0kuOG6tys
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।