ମାସ୍କ ପାଇଁ ଔଷଧ ଦୋକାନରେ ଜମୁଛି ଭିଡ଼

ଭୁବନେଶ୍ୱର(ଓଡ଼ିଶା ରିପୋର୍ଟର): କରୋନାକୁ ନେଇ ସମଗ୍ର ବିଶ୍ୱବାସୀ ଆତଙ୍କିତ ହୋଇ ପଡ଼ିଥିବା ବେଳେ ଏହା  ଦିନକୁ ଦିନ ବିଭିନ୍ନ ଦେଶକୁ ବିସ୍ତାର ହେବାରେ ଲାଗିଛି। ଅଦ୍ୟାବଧୀ ଆମ ରାଜ୍ୟରେ କେହି କରୋନା ଆକ୍ରାନ୍ତ ଚିହ୍ନଟ ହୋଇ ନ ଥିଲେ ବି ଏହାକୁ ନେଇ ଲୋକେ ଖୁବ୍‌ ସତର୍କ ହୋଇ ପଡ଼ିଛନ୍ତି।

ରାଜଧାନୀ ଭୁବନେଶ୍ୱରର ବିଭିନ୍ନ ଔଷଧ ଦୋକାନରେ ଏବେ ମାସ୍କ ପାଇଁ ଭିଡ଼ ଜମିଛି। କରୋନାକୁ ନେଇ ସଚେତନତା ସୃଷ୍ଟି ହେଉଥିବା ବେଳେ ବହୁ ସଂଖ୍ୟାରେ ଲୋକ ମାସ୍କ କିଣିବା ପାଇଁ  ପହଞ୍ଚୁଛନ୍ତି। ପୂର୍ବ ଅପେକ୍ଷା କିଛିଟା ଦର ବଢ଼ିଥିବା ସତ୍ତ୍ୱେ ଲୋକେ ମାସ୍କ କିଣୁଛନ୍ତି।  ଡବଲ ଦରରେ ମଧ୍ୟ ଲୋକେ ମାସ୍କ ଓ ସାନିଟାଇଜର କିଣିବା ପାଇଁ ପଛାଉ ନାହାନ୍ତି। ଆଗକୁ ଏହାର ଆବଶ୍ୟକତା ଥିବା ଅନୁଭବ କରି ଘରେ ସାଇତି ରଖିବା ନିମନ୍ତେ ଲୋକଙ୍କ ମଧ୍ୟରେ ମାକ୍ସ କିଣିବାକୁ ଏକପ୍ରକାର ପ୍ରତିଯୋଗିତା ଆରମ୍ଭ ହୋଇଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।