ସମ୍ବଲପୁର(ଓଡ଼ିଶା ରିପୋର୍ଟର): ନିୟମ କଡ଼ାକଡ଼ି ହେବା ପରଠୁ ଟ୍ରାଫିକକୁ ନେଇ ସବୁଠି ଚର୍ଚ୍ଚା। ହେଲେ ନିୟମ କଡ଼ାକଡ଼ି ପାଳନ କରିବାକୁ ଯାଇ ପୁଲିସ କାର୍ ଚାଳକଙ୍କୁ ହେଲମେଟ୍ ଫାଇନ୍ କରିବା ଘଟଣା ବି ଚର୍ଚ୍ଚା ସୃଷ୍ଟି କରିଛି। ହେଲମେଟ୍ ପିନ୍ଧି ନଥିବାରୁ କାର ଚାଳକଙ୍କୁ ୧ ହଜାର ଟଙ୍କା ଫାଇନ୍ କରାଯାଇଛି। କାର୍ ଚାଳକଙ୍କୁ ଫାଇନ୍ କରିଛି ସମ୍ବଲପୁର ଟ୍ରାଫିକ ପୁଲିସ।
ସମ୍ପୃକ୍ତ କାର ଚାଳକ ଜଣକ ହେଉଛନ୍ତି ସମ୍ବଲପୁର ଝାରୁପଦାର ଚନ୍ଦ୍ର କୁମାର ବେହେରା। ସେ ଏନେଇ ସମ୍ବଲପୁର ଆରଟିଓରେ ଅଭିଯୋଗ କରିଛନ୍ତି। ଗତକାଲି ସେ ବୁର୍ଲା ଅଭିମୁଖେ କାର(ନଂod15d6446) ଟାଟା ଇଣ୍ଡିଗୋରେ ଯାଉଥିବା ବେଳେ ଗତକାଲି ସଂଧ୍ୟାରେ ରାଧାନାଥ କଲ୍ୟାଣ ମଣ୍ଡପଠାରେ ଧରିଥିଲା ପୁଲିସ। ଟ୍ରାଫିକ ପୁଲିସ ତାଙ୍କୁ ଅଟକାଇ ଫାଇନ୍ କରିଥିଲା। ପୁଲିସ ଚାଲାଣ କାଟି ହେଲମେଟ ପିନ୍ଧି ନଥିବାରୁ ୧ ହଜାର ଫାଇନ କରିଥିଲା ଜଣେ ସବ୍ଇନ୍ସପେର ଅଟକାଇ ଚାଲାଣ କାଟିଥିବା ସୂଚନା ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।