ଭୁବନେଶ୍ୱର: ହାଇଦ୍ରାବାଦରୁ କୋଲକାତା ଯାଉଥିବା ଇଣ୍ଡିଗୋର ଏକ ବିମାନ ଭୁବନେଶ୍ୱର ବିମାନ ବନ୍ଦରରେ ସକାଳ ୭ଟା ୩୦ ମିନିଟରେ ଜରୁରୀ ଅବତରଣ କରିଥିଲା। ଜଣେ ଯାତ୍ରୀ ଛାତିରେ ଯନ୍ତ୍ରଣା ଅନୁଭବ କରିବାରୁ ବିମାନଟିକୁ ଜରୁରୀ ଅବତରଣ କରିବାକୁ ପଡିଥିଲା। ଗୁରୁତର ଅବସ୍ଥାରେ ଯାତ୍ରୀ ଜଣଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଅସୁସ୍ଥ ଯାତ୍ରୀ ଜଣଙ୍କ ଶଶୀ ମେନନ ବୋଲି ଜଣାପଡିଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ଠିକ ଥିବା ଜଣାପଡିଛି। ବିମାନରେ ୧୫୮ଜଣ ଯାତ୍ରୀ ଥିଲେ। ପ୍ରାୟ ଅଧଘଣ୍ଟା ବିମାନଟି ଅଟକିବା ପରେ କୋଲକତା ଅଭିମୁଖେ ଯାତ୍ରା କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।