ଭୁବନେଶ୍ୱର: ‘କଳିଙ୍ଗ ଶିକ୍ଷାସାଥୀ’ ନାମରେ ଏକ ନୂଆ ଯୋଜନା ଆଜି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହି ଯୋଜନାରେ ଶିକ୍ଷାର୍ଥୀଙ୍କୁ ୧% ସୁଧ ହାରରେ ଋଣ ମିଳିବ। ସୁଧ ରହାତି ପାଇଁ ରହିବ ୫ ଶହ କୋଟି ଟଙ୍କାର ପାଣ୍ଠି। ଉଚ୍ଚ ଶିକ୍ଷା ଯଥା ମ୍ୟାନେଜ୍ମେଣ୍ଟ, ଆଇନ୍, ମେଡିକାଲ ଓ ଇଞ୍ଜିନିୟରିଂ ପଢିବା ଲାଗି ଏହି ଯୋଜନା ସହାୟକ ହେବ। ବିଜୁ ଜନ୍ମ ଶତବାର୍ଷିକୀ ଅବସରରେ ଏହି ଯୋଜନାକୁ ଉତ୍ସର୍ଗ କରିଛନ୍ତି ରାଜ୍ୟସରକାର।
ଏନେଇ ନୂଆ ଯୋଜନାର ଘୋଷଣା କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି,“ମୋ ସରକାର ଶିକ୍ଷାକୁ ସବୁଠାରୁ ଅଧିକ ମାନ୍ୟତା ଦେଇଛି। ଏହାର ଉନ୍ନତି ପାଇଁ ଛାତ୍ରଛାତ୍ରୀଙ୍କୁ ‘କଳିଙ୍ଗ ଶିକ୍ଷାସାଥୀ’ ନୂଆ ଯୋଜନାରେ ବାର୍ଷିକ ୧ % ସୁଧହାରରେ ଋଣ ଯୋଗାଇବାକୁ ଆମେ ନିଷ୍ପତ୍ତି ନେଇଛୁ। ମୁଁ ଆଶା କରୁଛି ଏହା ଉଚ୍ଚଶିକ୍ଷା ପାଇଁ ଆଶା ରଖିଥିବା ଛାତ୍ରଛାତ୍ରୀଙ୍କ ପାଇଁ ସହାୟକ ହେବ। ମୁଖ୍ୟତଃ ମ୍ୟାନେଜ୍ମେଣ୍ଟ, ଆଇନ୍, ଇଞ୍ଜିନିୟରିଂ ଓ ମେଡିକାଲରେ ପଢିବା ପାଇଁ ଛାତ୍ରଛାତ୍ରୀମାନେ କମ୍ ସୁଧ ହାରରେ ଋଣ ନେଇପାରିବେ। ବିଜୁ ଜନ୍ମ ଶତବାର୍ଷିକୀ ଅବସରରେ ଏହି ଯୋଜନା ତାଙ୍କୁ ଉତ୍ସର୍ଗ କରାଗଲା। ମୁଁ ଆଶା କରୁଛି ସେମାନେ ଓଡ଼ିଶା ପାଇଁ ଗୌରବ ଆଣିବେ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
