ଭୁବନେଶ୍ୱର : ଦୁଇଦିନ ତଳେ ନରେନ୍ଦ୍ର ମୋଦି ଶୁଭାରମ୍ଭ କରିଥିବା ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟକାରୀ କରିବା ରାଜ୍ୟ ସରକାରଙ୍କ ପାଇଁ ବୋଝ ହେବ ବୋଲି ରାଜ୍ୟ ନଗର ଉନ୍ନୟନ ମନ୍ତ୍ରୀ ପୁଷ୍ପେନ୍ଦ୍ର ସିଂ ଦେଓ କହିଛନ୍ତି । ୨୦୨୨ ସୁଦ୍ଧା ସମସ୍ତଙ୍କ ପାଇଁ ଘର କେନ୍ଦ୍ରୀୟ ଯୋଜନାକୁ ରାଜ୍ୟ ସରକାର ତର୍ଜମା କରୁଛନ୍ତି ବୋଲି ସେ କହିଛନ୍ତି। ବସ୍ତିଲୋକ ଓ ଆର୍ଥିକ ଅନଗ୍ରସର ଲୋକଙ୍କ ପାଇଁ ଏହି ଯୋଜନା ଅନ୍ତର୍ଗତ ୪ପ୍ରକାର ଘର ଦିଆଯିବ। ବସ୍ତି ଉନ୍ନୟନ ବାବଦରେ ଘର କରିବାକୁ କେନ୍ଦ୍ର ସରକାର ଗୋଟିଏ ଘର ପାଇଁ ୧ ଲକ୍ଷ ଟଙ୍କା ଦେବେ । ବାକି ଟଙ୍କା ରାଜ୍ୟ ସରକାର ଓ ଘରୋଇ ଭାଗିଦାରୀରୁ ଆସିବ । ତେବେ ଏପରି ପ୍ରସ୍ତାବକୁ ରାଜ୍ୟ ସରକାର ଗ୍ରହଣ କରିବାକୁ ରାଜି ନାହାନ୍ତି । ଏପଟେ ନିର୍ବାଚନ ପ୍ରତିଶ୍ରୁତିକୁ ପାଳନ କରି ରାଜ୍ୟ ସରକାର ବସ୍ତିଲୋକଙ୍କୁ ଘର ଦେବାପାଇଁ ଯୋଜନା ପ୍ରସ୍ତୁତ କରିଥିବାରୁ କେନ୍ଦ୍ରୀୟ ଯୋଜନାକୁ କିପରି କାର୍ଯ୍ୟକାରୀ କରିବେ ସେ ନେଇ ତର୍ଜମା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
