କୋରାପୁଟ: ନନ୍ଦପୁର ଜଗନ୍ନାଥ ମନ୍ଦିରରେ ନବକଳେବର ଯଜ୍ଞର ପୂର୍ଣ୍ଣାହୁତି  

କୋରାପୁଟ: କୋରାପୁଟ ଜିଲ୍ଲା ନନ୍ଦପୁରଠାରେ ଥିବା ଐତିହାସିକ ଜଗନ୍ନାଥ ମନ୍ଦିରରେ ଚତୁର୍ଦ୍ଦା ମୂରତୀଙ୍କ ପାତାଳିକରଣ, ପ୍ରତିଷ୍ଠା ଉତ୍ସବ ସହ ନନ୍ଦପୁର ଜଗନ୍ନାଥ ମନ୍ଦିର ନିକଟରେ ଏକ ଯଜ୍ଞ ଆୟୋଜନ କରାଯାଇଥିଲା । ମଙ୍ଗଳବାର ଯଜ୍ଞର ପୂର୍ଣ୍ଣାହୁତି ହୋଇଯାଇଛି । ଏଥିରେ ଗଞ୍ଜାମ ଜିଲ୍ଲା ଆଠଗଡର ମହାରାଜା ଦୁର୍ଗାଶଙ୍କର ପ୍ରସାଦ ଏବଂ ରାଣୀ ଅଚ୍ଚୟନା ଦେବୀ ଯୋଗଦେଇ ପୂର୍ଣ୍ଣାହୁତି ଦେଇଥିଲେ । ପ୍ରଥମ ଥର ପାଇଁ ଏଠାରେ ନବକଳେବର ହେଉଛି । ନବକଳେବର କାର୍ଯ୍ୟକ୍ରମରେ ବିଧାୟକ ପ୍ରଫୁଲ୍ଲ ପାଙ୍ଗି, ବିଡିଓ ରାମେଶ୍ୱର ପ୍ରଧାନଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ । ପ୍ରାୟ ୧୪୫୦ ଖ୍ରୀଷ୍ଟାଦ୍ଦ ସମୟରୁ ରଜା ରାଜୁଡା ଅମଳରୁ ଏଠାରେ ତିନିଠାକୁର ପୂଜା ପାଇଆସୁଛନ୍ତି । ଦୀର୍ଘ ୫୬୫ ବର୍ଷ ପରେ ଏଠାରେ ନବକଳେବର ଅନୁଷ୍ଠିତ ହେଉଥିବା ନବକଳେବର କମିଟି ସଦସ୍ୟମାନେ ପ୍ରକାଶ କରିଛନ୍ତି ।