ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ (ଓଡ଼ିଶା ରିପୋର୍ଟ): ବାରବାଟୀ ଭିଭିଆଇପି ବକ୍ସରେ ସିସୋର ଅଭିଯୁକ୍ତ ଶୁଭଙ୍କର ବସି ଖେଳ ଦେଖୁଥିଲେ। ତାଙ୍କୁ କିଏ ଦେଇଥିଲେ ଏହି ପାସ୍‌। ଏହାକୁ ନେଇ ବିବାଦ ଦେଖାଦେଇଥିଲା। ତିନି ଦିନର ଘଣ୍ଟାଚକଟା ପରେ ଆଜି ମୁହଁ ଖୋଲିଛନ୍ତି ଶୁଭଙ୍କର। ଆଇନ୍‌ଜୀବୀଙ୍କଠାରୁ ପାସ୍‌ ପାଇ ଖେଳ ଦେଖିବାକୁ ଯାଇଥିଲି ବୋଲି ସେ କହିଛନ୍ତି। ମାତ୍ର ତାଙ୍କ ନାଁ କହିବାକୁ ମନା କରିଦେଇଛନ୍ତି।</p> <p>ସେ କହିଛନ୍ତି-“ମୁଁ ଅଭିଯୁକ୍ତ ହୋଇଥାଇପାରେ କିନ୍ତୁ ଦୋଷୀ ନୁହେଁ। କୋର୍ଟରେ ମାମଲା ଏବେ ବାଚାରାଧୀନ ରହିଛି। ହାଇକୋର୍ଟ ବେଲ୍‌ ଦେଲାବେଳେ ଖେଳ ଦେଖିବାକୁ ଯାଇପାରିବି ନାହିଁ ବୋଲି କହିନଥିଲେ। ଯଦି କୋର୍ଟ ସେମିତି କିଛି ସର୍ତ୍ତ ରଖିଥାଆନ୍ତେ, ତାହାହେଲେ ଯାଇନଥାଆନ୍ତୁ।”</p> <p>ପାସ୍‌ ନେଇ ସେ କହିଛନ୍ତି-“ଏକ ମାମଲା ସମ୍ପର୍କରେ କଥା ହେବା ପାଇଁ ମୁଁ ଆଇଜୀବୀଙ୍କ ପାଖକୁ ଯାଇଥିଲେ। ମୋର କ୍ରିକେଟ୍‌ ଖେଳ ପ୍ରତି ଆଗ୍ରହ ଥିବା ଜାଣି ସେ(ଆଇନ୍‌ଜୀବୀ) ଗୋଟିଏ ପାସ୍‌ ଦେଇଥିଲେ। ସେହି ପାସ୍‌ରେ ଖେଳ ଦେଖିବାକୁ ଯାଇଥିଲି। କିନ୍ତୁ ଜାଣିନଥିଲି ଖେଳ ଦେଖିବାକୁ ଗଲେ ବିତର୍କ ହେବ। ଜାଣିଥିଲେ ଖେଳ ଦେଖିବାକୁ ଯାଇନଥାଆନ୍ତି। ଏହାଛଡ଼ା ମୁଁ ବି ଜାଣିନଥିଲି ବିସିସିଆଇ ଓ ଭିଆଇପି ବକ୍ସ କେଉଁଟା ଜାଣିନଥିଲି।”</p> <p>ଶୁଭଙ୍କର ଏପିସୋଡ୍‌ରେ ପାସ୍ କେଳେଙ୍କାରୀର ଅଭିଯୋଗ ଆଣିଲେ ବିରୋଧୀ। ଏମିତିକି ଭିଭିଆଇପିଙ୍କୁ ଦିଆଯାଇଥିବା ପାସ୍ ଚଢ଼ା ଦରରେ ବିକ୍ରି ହୋଇଥିବାର ସଂଗୀନ ଅଭିଯୋଗ ଆଣିଛନ୍ତି ବିରୋଧୀ ଦଳ ନେତା। ବିଜେପି ମଧ୍ୟ ଏହି ପ୍ରସଙ୍ଗରେ ସରକାରଙ୍କୁ ଘେରି ଘଟଣାର ନିରପେକ୍ଷ ତଦନ୍ତ ଦାବି କରିଛି। ଏପଟେ ଏଥିରେ ସରକାରଙ୍କ କିଛି ଭୂମିକା ନଥିବା କହି ଶାସକ ବିଜେଡି ଓସିଏ କୋର୍ଟକୁ ବଲ୍ ଫିଙ୍ଗିଥିବା ବେଳେ ଓସିଏ ବି ନିଜ ଉପରୁ ଧୂଳି ଝାଡିବାର ଭରପୁର ପ୍ରୟାସ କରିଛି।</p> <p>https://youtu.be/n5sSppv1cO0</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
