ବାଇକରେ ଆସି ଗୁଳିକରି ଝାମ୍ପି ନେଇଗଲେ

ବ୍ରହ୍ମପୁର (ଜଗନ୍ନାଥ ସାହୁ): ବ୍ରହ୍ମପୁରରେ ଆଜି ଏକ ବଡ଼ ଧରଣର ଲୁଟ୍‌ ହୋଇଛି। ଦିନ ଦି’ପହରରେ ଦୁର୍ବୃତ୍ତମାନେ ଫାଙ୍କା ଗୁଳିଚାଳନା କରି ୨୫ ଲକ୍ଷ ଟଙ୍କା ଲୁଟି ନେଇଗଲେ। ଖଲିକୋଟ ଥାନା ହରିଡ଼ାମୂଳ ଛକ ନିକଟରେ ଏହି ଘଟଣା ଘଟିଛି।

ଆଜି ଟୋଲ ପ୍ଲାଜା କର୍ମଚାରୀମାନେ ଟଙ୍କା ଜମା କରିବା ପାଇଁ ଏକ ସ୍କର୍ପିଓରେ ଏକ୍ସିସ ବ୍ୟାଙ୍କ ଯାଉଥିଲେ। ହରିଡାମୂଳ ଛକରେ ୫ ଜଣ ଦୁର୍ବୃତ୍ତ ଦୁଇଟି ବାଇକରେ ଆସି ଗାଡ଼ି ଉପରକୁ ଗୁଳି ଚଳାଇଥିଲେ। ଫଳରେ ଚାଳକ ଗାଡ଼ି ଅଟକାଇ ଦେଇଥିଲେ। ପରେ ଦୁର୍ବୃତ୍ତମାନେ ଟଙ୍କା ଧରି ଚମ୍ପଟ ମାରିଥିଲେ। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଦୁର୍ବୃତ୍ତଙ୍କୁ ଧରିବା ପାଇଁ ସମସ୍ତ ରାସ୍ତା ସିଲ୍‌ ତଲାସି ଅଭିଯାନ୍‌ ଆରମ୍ଭ କରିଛି। ହେଲେ ଅଭିଯୁକ୍ତଙ୍କ ସମ୍ପର୍କରେ ପତ୍ତା ପାଇନି।