କେନ୍ଦୁଝର (ପ୍ରଣୟ କୁମାର ପାଣି): କେନ୍ଦୁଝର ଟାଉନ୍ ଥାନା ଛକରୁ ସ୍କୁଟି ଡିକି ଭାଙ୍ଗି ସାଢ଼େ ୪ ଲକ୍ଷ ଟଙ୍କା ଲୁଟ୍ ହୋଇଥିବା ଅଭିଯୋଗ ହୋଇଛି। ଟାଉନ୍ ଥାନା ଠାରୁ ମାତ୍ର ୫୦ ମିଟର ଦୂରରେ ଏହି ଲୁଟ୍ ହୋଇଥିବା ବେଳେ ପୁଲିସ୍ ଲୁଟେରାଙ୍କୁ ଧରିବାକୁ ଖୋଳତାଡ଼ ଜାରି ରଖିଛି।
ସୂଚନା ଅନୁଯାୟୀ, ଢେଙ୍କିକୋଟ ସାନ୍ତରାପୁରର ଆଫସର ଖାଁ କେନ୍ଦୁଝର ଏସ୍ବିଆଇର ମୁଖ୍ୟ ଶାଖାରୁ ଟଙ୍କା ଉଠାଇ ଟାଉନ୍ ଥାନା ଛକରେ ଥିବା ଏକ ଷ୍ଟୁଡିଓକୁ ଫଟୋ ଉଠାଇବାକୁ ଯାଇଥିଲେ। ଏହି ସମୟରେ କେହି ଦୁର୍ବୃତ୍ତ ତାଙ୍କ ସ୍କୁଟି ଭାଙ୍ଗି ଟଙ୍କା ନେଇ ଯାଇଥିଲେ। ସେ ଷ୍ଟୁଡିଓରୁ ଫେରିବା ପରେ ଡିକି ଖୋଲା ହୋଇଥିବା ଓ ସେଥିରେ ଟଙ୍କା ନଥିବା ଦେଖିବାକୁ ପାଇଥିଲେ। ଏ ନେଇ ସେ ସଙ୍ଗେ ସଙ୍ଗେ ଥାନାରେ ଅଭିଯୋଗ କରିଥିଲେ। ପୁଲିସ୍ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
