କାହା ପାଖରେ ଅଛି ମହାଲକ୍ଷ୍ମୀଙ୍କ ମୁକୁଟ? ଘନଉଛି ରହସ୍ୟ

<p>ପୁରୀ (ଓଡ଼ିଶା ରିପୋର୍ଟର): ମହାଲକ୍ଷ୍ମୀଙ୍କ ମୁଣ୍ଡରେ ଆଉ ଶୋଭା ଯାଉନାହିଁ ମୁକୁଟ। ଏହା କାହା ପାଖରେ ଅଛି କେହି ଜାଣି ନାହାନ୍ତି। ଶ୍ରୀମନ୍ଦିର ପ୍ରଶାସନ ମୁକୁଟ ତାଙ୍କ ପାଖରେ ନ ଥିବା କହିବା ପରେ ଏବେ ଏହା କେଉଁଠି ଅଛି ତାକୁ ନେଇ ରହସ୍ୟ ଘନେଇବାରେ ଲାଗିଛି।</p> <p>ଗତ ଗୁରୁବାର ଲକ୍ଷ୍ମୀ ମନ୍ଦିରରେ ମା&rsquo; ମହାଲକ୍ଷ୍ମୀଙ୍କ ମଥାରେ ମୁକୁଟ ଶୋଭା ପାଉନଥିବା ଦେଖି କିଛି ଭକ୍ତ ପ୍ରତିକ୍ରିୟା ପ୍ରକାଶ କରିଥିଲେ। ମୁକୁଟଟି ଭାଙ୍ଗି ଯାଇଥିବାରୁ ଏହାର ମରାମତି ଲାଗି ସେବାୟତମାନେ ଲକ୍ଷ୍ମୀଙ୍କ ମସ୍ତକରୁ ଏହାକୁ ବାହାର କରି ଦେଇଥିଲେ ବୋଲି ସଫେଇ ଦେଇଥିଲେ।</p> <p>ଶ୍ରୀମନ୍ଦିର ମୁଖ୍ୟ ପ୍ରଶାସକ&nbsp; ପ୍ରଦୀପ ଜେନା ସ୍ପଷ୍ଟ କରିଛନ୍ତି ଶ୍ରୀମନ୍ଦିର ପ୍ରଶାସନ ନିକଟରେ ମା&rsquo; ଲକ୍ଷ୍ମୀଙ୍କ ମୁକୁଟ ନାହିଁ। ସେ କହିଛନ୍ତି- &ldquo;ମହାଲକ୍ଷ୍ମୀଙ୍କ ମୁକୁଟ ଶ୍ରୀମନ୍ଦିର&nbsp; ପ୍ରଶାସନକୁ ଦିଆଯାଇନାହିଁ। ମା&rsquo; ଲକ୍ଷ୍ମୀଙ୍କ ମୁକୁଟ ଲକ୍ଷ୍ମୀ ମନ୍ଦିରର ସେବକଙ୍କ ଦାୟିତ୍ୱରେ ଥାଏ। ଲକ୍ଷ୍ମୀ ମନ୍ଦିରର ସମ୍ପତ୍ତି ପ୍ରଶାସନର ନିୟନ୍ତ୍ରଣରେ ନଥାଏ।&rdquo;</p> <p>ସେ ଆହୁରି କହିଛନ୍ତି- &ldquo;ଆଗକୁ ଲକ୍ଷ୍ମୀ ମନ୍ଦିରର ସମ୍ପତ୍ତି ପ୍ରଶାସନ ଅକ୍ତିଆରକୁ ଆଣିବା ଲାଗି ବିଚାର ବିମର୍ଶ ଚାଲିଛି। ଏହାସହ ମା&rsquo;ଙ୍କ ପାଇଁ ଏକ ସୁନାର କିରିଟି ନିର୍ମାଣ କରିବାକୁ ପ୍ରଶାସନ ନିଷ୍ପତ୍ତି ନେଇଛି। ଆଲୋଚନା ପରେ ଏନେଇ ପଦକ୍ଷେପ ନିଆଯିବ।&rdquo;</p> <p>&amp;nbsp;</p>