ମାଲକାନଗିରି: ଲଗାଣ ବର୍ଷା ଯୋଗୁଁ ମାଲକାନାଗିରିରେ ସୃଷ୍ଟି ହୋଇଥିବା ବନ୍ୟା ସ୍ଥିତିରେ ଉନ୍ନତି ଘଟିଥିଲେ ହେଁ ସଂପୂର୍ଣ୍ଣ ସୁଧାର ଆସି ନାହିଁ । ଏବେ ବି ଅନେକ ଗାଁ ପାଣି ଘେରରେ ଅଛି । ବର୍ଷାପାଣି ଯୋଗୁଁ ୧୩ଟି ପଞ୍ଚାୟତ ବିଶେଷ ଭାବେ ପ୍ରଭାବିତ ହୋଇଛି। ଉପରମୁଣ୍ଡରୁ ପାଣି ଆସୁଥିବାରୁ ମାଲକାନଗିରି କାଳିମେଳା ମୁଖ୍ୟ ରାସ୍ତାର କାଙ୍କରକୋଣ୍ଡାରେ ଏବେ ମଧ୍ୟ ପାଣି ଚାଲିଛି। ରାସ୍ତାର ଉଭୟ ପାଶ୍ୱରେ ଯାନବାହନ ଅଟକି ରହିଛି । ଲୋକମାନେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ସେପଟେ କୋରକୋଣ୍ଡା ଚିଟିବିରି ଗାଁରେ କାନ୍ଥପଡ଼ି ଜଣେ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । କିଛି ସ୍ଥାନରେ ମାଟି ରାସ୍ତା ଧୋଇ ଯାଇଥିବାରୁ ଯାତାୟତରେ କରିବାରେ ସମସ୍ୟା ସୃଷ୍ଟି ହୋଇଛି। ବନ୍ୟାରେ ଜିଲ୍ଲାରେ ୪୨୦ଟି ଘର ଭାଙ୍ଗିଥିବା ପ୍ରାଥମିକ ଆକଳନରୁ ଜଣାପଡିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
