କିଏ ଏହି ମୋନା ବିଶ୍ୱରୂପା ମହାନ୍ତି? ୟୁଏଇ ଦେଲା ଗୋଲଡେନ ଭିସା

ବାରିପଦା: ମୟୂରଭଞ୍ଜ ଜିଲ୍ଲାର ମୋନା ବିଶ୍ୱରୂପା ମହାନ୍ତିଙ୍କୁ ୟୁଏଇ ଗୋଲଡେନ ଭିସା ପ୍ରଦାନ କରିଛି। ଏହି ଭିସା ମିଳିବାର ଅର୍ଥ ବିଶ୍ୱରୂପା ଏବେ ୟୁଏଇରେ ୧୦ ବର୍ଷ ଯାଏ ବିନା କୌଣସି ବାଧାରେ ରହିପାରିବେ। କଳା, ସୃଜନଶୀଳ ଶିଳ୍ପ, ସାହିତ୍ୟ ଏବଂ ସଂସ୍କୃତି, ଐତିହାସିକ ଏବଂ ପାଠ ପଢ଼ିବା କ୍ଷେତ୍ରରେ ପ୍ରତିଭାମାନଙ୍କୁ ଏହି ଦୀର୍ଘକାଳୀନ ସାଂସ୍କୃତିକ ଭିସା ପ୍ରଦାନ କରିଥାଏ ୟୁଏଇ। ପ୍ରଥମ ଓଡ଼ିଆ ଭାବରେ ବିଶ୍ୱରୂପା ଏହି ଭିସା ପାଇଥିବା ନେଇ ସୂଚନା ରହିଛି। ବିଶ୍ୱରୂପା […]

biswaroopa-mohanty

biswaroopa-mohanty

Subhransu Sekhar
  • Published: Wednesday, 30 June 2021
  • Updated: 30 June 2021, 04:49 PM IST

Sports

Latest News

ବାରିପଦା: ମୟୂରଭଞ୍ଜ ଜିଲ୍ଲାର ମୋନା ବିଶ୍ୱରୂପା ମହାନ୍ତିଙ୍କୁ ୟୁଏଇ ଗୋଲଡେନ ଭିସା ପ୍ରଦାନ କରିଛି। ଏହି ଭିସା ମିଳିବାର ଅର୍ଥ ବିଶ୍ୱରୂପା ଏବେ ୟୁଏଇରେ ୧୦ ବର୍ଷ ଯାଏ ବିନା କୌଣସି ବାଧାରେ ରହିପାରିବେ। କଳା, ସୃଜନଶୀଳ ଶିଳ୍ପ, ସାହିତ୍ୟ ଏବଂ ସଂସ୍କୃତି, ଐତିହାସିକ ଏବଂ ପାଠ ପଢ଼ିବା କ୍ଷେତ୍ରରେ ପ୍ରତିଭାମାନଙ୍କୁ ଏହି ଦୀର୍ଘକାଳୀନ ସାଂସ୍କୃତିକ ଭିସା ପ୍ରଦାନ କରିଥାଏ ୟୁଏଇ। ପ୍ରଥମ ଓଡ଼ିଆ ଭାବରେ ବିଶ୍ୱରୂପା ଏହି ଭିସା ପାଇଥିବା ନେଇ ସୂଚନା ରହିଛି।

ବିଶ୍ୱରୂପା ମହାନ୍ତି ଦୁବାଇର ଆର୍ଥନୀତିକ ବିଭାଗର ଜଣେ କଳାକାର। ୨୦୦୭ ପାଖରୁ ସେ ଦୁବାଇରେ ରହୁଛନ୍ତି। ସେ ବାରିପଦା ସ୍କୁଲ ଅଫ୍ ଆର୍ଟ ଆଣ୍ଡ କ୍ରାଫ୍ଟରୁ ଫାଇନ ଆର୍ଟରେ ଡିପ୍ଲୋମା କରିଛନ୍ତି। ମୋନାଙ୍କ ବାପା ସଂଗ୍ରାମ କେଶରୀ ମହାନ୍ତି ଜଣେ ଗୀତିକାର ଭାବରେ ଜଣାଶୁଣା। ତାଙ୍କ ମା’ ମମତା ଜଣେ ଶିକ୍ଷୟିତ୍ରୀ। ବିଶ୍ୱରୂପା ଇଟାଲୀର ମିଲାନରୁ ଫ୍ୟାଶନ ଏବଂ ଟେକ୍ସଟାଇଲରେ ମାଷ୍ଟର ଡିଗ୍ରୀ କରିଥିଲେ।

ଏବେ ବିଶ୍ୱରୂପା ଦୁବାଇର ଏକାଡେମିକ୍ କ୍ଷେତ୍ରରେ ଏବଂ ଡିଜାଇନ୍ ଇଣ୍ଡଷ୍ଟ୍ରିରେ ପ୍ରାୟ ଆଠ ବର୍ଷ ହେବ ସକ୍ରିୟ ରହିଛନ୍ତି। ସେ କହିଛନ୍ତି ଯେ ଏହି ଦୀର୍ଘକାଳୀନ ରହଣି ସହିତ ସାଂସ୍କୃତିକ ବିନିମୟ ଏବଂ ଅନ୍ୟ କଳାକାରମାନଙ୍କ ସହ ସହଭାଗୀତାରେ କାମ କରିବାର ସମ୍ଭାବନା ଦେଇଥାଏ। ଦିନକୁ ଦିନ ବିଶ୍ୱରେ ସାଂସ୍କୃତିକ ଐତିହ୍ୟ ବଢ଼ି ଚାଲିଛି। ଏଥିରେ ନିଜ ଦେଶର ସଂସ୍କୃତିକୁ ନେଇ ସେ ପ୍ରତିନିଧିତ୍ୱ କରୁଛନ୍ତି। ଏହାଦ୍ୱାରା ଗୋଟିଏ ଦେଶର ସଂସ୍କୃତି ଅନ୍ୟ ଦେଶର ସଂସ୍କୃତି ସହିତ ଆଦାନ ପ୍ରଦାନ ହୋଇପାରୁଛି ବୋଲି ସେ କହିଛନ୍ତି।

୨୦୧୯ରେ ଏପରି ଭିସାର ବ୍ୟବସ୍ଥା ଆରମ୍ଭ କରିଥିଲା। ​​ଯେଉଁଥିରେ ଏହି ଭିସା ପାଞ୍ଚ କିମ୍ବା ୧୦ ବର୍ଷ ପାଇଁ ପ୍ରଦାନ କରାଯାଇଥାଏ। ଏବଂ ଏହା ସ୍ୱୟଂଚାଳିତ ଭାବରେ ନବୀକରଣ କରାଯାଇଥାଏ। ମୁଖ୍ୟତଃ ଯେଉଁମାନେ କଳା, ସୃଜନଶୀଳତା, ସାହିତ୍ୟ ଏବଂ ସଂସ୍କୃତି, ଐତିହ୍ୟ ଇତିହାସ ଏବଂ ବିଜ୍ଞାନ କ୍ଷେତ୍ରରେ ପ୍ରତିଭାବନ ବ୍ୟକ୍ତିଙ୍କୁ ଏହି ଗୋଲଡେନ ଭିସା ଦିଏ ୟୁଏଇ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos