ଭୁବନେଶ୍ୱର,(ଦେବଦତ୍ତ ରଥ): ଖୋର୍ଦ୍ଧା ଜିଲ୍ଲା ଗୋଳବାଇ ଗ୍ରାମ ଇଷ୍ଟଦେବୀ ମା' ଭଗବତୀଙ୍କ ଦଶଦୋଳ ଯାତ୍ରା ମହାଆଡମ୍ବରର ସହ ଆରମ୍ଭ ହୋଇଛି। ରବିବାର ରାତିରେ ଏକ ବିରାଟ ପଟୁଆରରେ ଭକ୍ତଙ୍କ ଗହଣରେ ମା'ଭଗବତୀ ମନ୍ଦିର ମଧ୍ୟରୁ ଆସି ଶୋଭାଯାତ୍ରାରେ ଗ୍ରାମ ପରିକ୍ରମା କରିଥିଲେ। ଏହା ସହ ପାଖ ଗ୍ରାମ ଗୁଡିକରୁ ନିମନ୍ତ୍ରଣ କ୍ରମେ ଆସିଥିବା
ପ୍ରାୟ ପଚାଶ ବିମାନାରୂଢ ଦେବଦେବୀଙ୍କୁ ଶଙ୍ଖୋଳିବା ସହ ନିଜ ପଟୁଆରରେ ସାମିଲ କରାଇ ଶେଷରେ ସେମାନଙ୍କୁ ବନ୍ଧୁ ଆସ୍ଥାନରେ ଅଧିଷ୍ଠିତ କରାଇଥିଲେ। ସ୍ୱୟଂ ନିଜର ମହାମଣ୍ଡପରେ ଉପବେସନ କରିଥିଲେ ଭଗବତୀ। ତିନିଦିନ ବ୍ୟାପୀ ଦେବଦେବୀଙ୍କ ଉପସ୍ଥିତିରେ ଏହି ଯାତ୍ରା ଅନୁଷ୍ଠିତ ହୋଇଥାଏ। ଦିନ ରାତି ହଜାର ହଜାର ଦର୍ଶକମାନଙ୍କ ମିଳନ ଏହି ପର୍ବକୁ ଆକର୍ଷଣୀୟ କରିଥାଏ। ସବୁବର୍ଷ ପରି ଏ ବର୍ଷ ମଧ୍ୟ ଦର୍ଶକମାନଙ୍କ ରାତ୍ର ମନୋରଞ୍ଜନ ନିମିତ୍ତ ଲୋକପ୍ରିୟ ଯାତ୍ରା ଦଳ ଅପେରା ପ୍ରଦର୍ଶନ କରିବ ବୋଲି ଯାତ୍ରା କମିଟି ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
