ସୋର (ଶଶିକାନ୍ତ ବେହେରା): କରୋନା ପାଇଁ ସାରା ଦେଶକୁ ଲକ୍ଡାଉନ୍ କରି ଦିଆଯାଇଛି। ଲକ୍ଡାଉନ୍ ପାଇଁ ଦୁଗ୍ଧ ଚାଷୀ ବହୁ କ୍ଷତି ସହୁଛନ୍ତି l ସୋସାଇଟି ପକ୍ଷରୁ କ୍ଷୀର ସଂଗ୍ରହ କରାଯାଉ ନଥିବାରୁ ଚାଷୀମାନେ ବହୁ ହଇରାଣ ହେଉଛନ୍ତି। ଗତକାଲି ଦୁଗ୍ଧ ଚାଷୀ କ୍ଷୁବ୍ଧ ହୋଇ ୮୦ ଲିଟରରୁ ଅଧିକ କ୍ଷୀର ରାସ୍ତାରେ ଢାଳି ଦେଇଥିଲେ। ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ବାହାନଗା ବ୍ଲକର ରଣିଆଗଞ୍ଜ ଗାଁରେ ।
ମିଳିଥିବା ସୂଚନା ଅନୁସାରେ, ତାଳକୁରୁଣିଆ ପଞ୍ଚାୟତର ରଣିଆଗଞ୍ଜ ଗାଁର ୩୫ ଊର୍ଦ୍ଧ୍ୱ ମହିଳା ଦୁଗ୍ଧ ଚାଷୀ ଗୋପାଳପୁର ବଜାରରେ ଥିବା ଶୀତଳ ଭଣ୍ଡାର ବାମୁଲକୁ କ୍ଷୀର ଦିଅନ୍ତି। ସୋସାଇଟି ଶୀତଳ ଭଣ୍ଡାରରୁ କ୍ଷୀର ନେଇ ଥାଏ। ହେଲେ ପାଞ୍ଚ ଦିନ ହେବ ସୋସାଇଟି କ୍ଷୀର ନ ନେଉନଥିବାରୁ ଶୀତଳଭଣ୍ଡାର ଚାଷୀମାନଙ୍କ କ୍ଷୀର ରଖିବାକୁ ମନା କରିଦେଲା। ଶେଷରେ ଦୁଗ୍ଧ ଚାଷୀମାନେ କ୍ଷୁବ୍ଧ ହୋଇ ରାସ୍ତାରେ ୮୦ ଲିଟରରୁ ଅଧିକ କ୍ଷୀର ଢାଳି ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
