ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ପଥରବନ୍ଧ ବସ୍ତିରେ ମନୁ ନାମକ ଜଣେ ବ୍ୟକ୍ତିଙ୍କ ଘର ଉପରେ ସିରିଜ ବୋମା ମାଡ଼ ହୋଇଛି। ଘର ଉପରକୁ ଏକାଧିକ ବୋମା ଫିଙ୍ଗି ଦୁର୍ବୃତ୍ତ ଚମ୍ପଟ ହୋଇଯାଇଛି। ପୂର୍ବ ଶତ୍ରୁତାରୁ ବୋମା ମାଡ଼ ହୋଇଥିବା କୁହାଯାଉଛି। ବୋମା ମାଡ଼ରେ କାହାର କିଛି କ୍ଷତି ହୋଇନାହିଁ।
ଅଭିଯୋଗ ଅନୁସାରେ, ମନୁ ଓ ବସ୍ତିର କିଛି ଲୋକ ବ୍ରାଉନସୁଗାର କାରବାର କରୁଥିବା ଅଭିଯୁକ୍ତ ପ୍ରକାଶ ବିଷୋୟୀକୁ ପୁଲିସ୍ ହାତରେ ଧରାଇ ଦେଇଥିଲେ। କିଛିଦିନ ପୂର୍ବେ ପ୍ରକାଶ ଜେଲ୍ରୁ ବାହାରିଥିଲା। ଆଜି ସେ ନିଜ ସହଯୋଗୀଙ୍କ ସହ ମନୁଙ୍କ ଘରକୁ ଆସି ତାଙ୍କୁ ଡାକିଥିଲେ। ମନୁ ଘରୁ ବାହାରିବା ପରେ ପ୍ରକାଶ ପ୍ରଥମେ କ୍ଷମା ମାଗିଥିଲେ। ହେଲେ ପରେ ପୂର୍ବ କଥାକୁ ନେଇ ତାଙ୍କ ସହ ଝଗଡ଼ା କରିଥିଲେ। ମନୁ ଘର ଭିତରକୁ ପଳାଇବା ପରେ ପ୍ରକାଶ ତାଙ୍କ ଘର ଉପରକୁ ଏକାଧିକ ବୋମା ଫିଙ୍ଗି ସହଯୋଗୀଙ୍କ ସହ ଫେରାର ହୋଇଯାଇଛି।
ଖବର ପାଇବା ପରେ ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
https://youtu.be/XQvT5vXXq_4
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।