ନବକଳେବର ପାଇଁ ପୁରୀକୁ ଚାଲିବ ୨୦୦ ସ୍ୱତନ୍ତ୍ର ଟ୍ରେନ୍: ଧର୍ମେନ୍ଦ୍ର ପ୍ରଧାନ

ନୂଆଦିଲ୍ଲୀ: ନବକଳେବର ପାଇଁ ପୁରୀ ଚାଲିବ ୨୦୦ଟି ସ୍ୱତନ୍ତ୍ର ଟ୍ରେନ୍। ଶନିବାର ଏହି ସୂଚନା ଦେଇଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରେଳ ରାଷ୍ଟ୍ରମନ୍ତ୍ରୀ ମନୋଜ ସିହ୍ନାଙ୍କ ସହିତ ସାକ୍ଷାତ ଆଲୋଚନା କରିବା ପରେ ସେ ଦେଇଛନ୍ତି ଏହି ସୂଚନା।

ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ, ନବକଳେବର ବେଳେ ପୁରୀକୁ ଶ୍ରଦ୍ଧାଳୁଙ୍କ ଯିବାଆସିବା ସୁବିଧା କରିବା ପାଇଁ ରେଳ ମନ୍ତ୍ରଣାଳୟ ଯତ୍ନବାନ ଅଛି। ନବକଳେବର ପାଇଁ ପୁରୀକୁ ୨୦୦ଟି ସ୍ୱତନ୍ତ୍ର ଟ୍ରେନ ଚଲାଯିବ ବୋଲି ରେଳ ରାଷ୍ଟ୍ରମନ୍ତ୍ରୀ ମନୋଜ ସିହ୍ନା କହିଛନ୍ତି। ସ୍ୱତନ୍ତ୍ର ରେଳ ଚଳାଚଳ ସହିତ କିଛି ଗୁରୁତ୍ୱପୂର୍ଣ୍ଣ ଷ୍ଟେସନରେ ବିଶେଷ ବ୍ୟବସ୍ଥା ମଧ୍ୟ କରାଯିବ। ପୁରୀ,ଭୁବନେଶ୍ୱର, ଖୋର୍ଦ୍ଧା ଓ କଟକ ଷ୍ଟେସନରେ ବିଶେଷ ସୁବିଧା କରାଯିବ। ଏହା ସହିତ ଯାତ୍ରୀଙ୍କ ସୁରକ୍ଷା ଓ ଷ୍ଟେସନଗୁଡ଼ିକର ସ୍ୱଚ୍ଛତା ଉପରେ ଗୁରୁତ୍ୱ ଦିଆଯିବ।