ଏଣିକି ଓଡ଼ିଆ ଭାଷାରେ ଲେଖା ହେବ ନାମଫଳକ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଏଣିକି ଓଡ଼ିଆ ଭାଷାରେ ନାମଫଳକ ଲେଖା ହେବ। ଏନେଇ ପୂର୍ବରୁ ପ୍ରଚଳିତ ଅଇନରେ ସଂଶୋଧନ କରାଯିବ। ନିୟମ ଖିଲାପ କଲେ ଦଣ୍ଡ ବିଧାନ ବ୍ୟବସ୍ଥା ରହିବ। ଆଜି ପୁରୀରେ ଅନୁଷ୍ଠିତ ରାଜ୍ୟ କ୍ୟାବିନେଟ ବୈଠକରେ ଏ ସମ୍ପର୍କୀତ ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ ମିଳିଛି।</p><p>ବୈଠକରେ ଓଡ଼ିଆ ଭାଷାର ପ୍ରଚାର ପ୍ରସାର ଓ ସଂରକ୍ଷଣ ପାଇଁ ଓଡ଼ିଆ ଭାଷା ସାହିତ୍ୟ ବିଭାଗ ଗଠନ କରାଯିବାକୁ ନିଷ୍ପତ୍ତି ହୋଇଛି। ସେହିଭଳି ପ୍ରତି ୫ ବର୍ଷରେ ବିଶ୍ୱ ଓଡ଼ିଆ ଭାଷା ସମ୍ମିଳନୀ ଆୟୋଜନ ସହ କଲେଜ ଓ ୟୁନିଭର୍ସିଟିରେ ଓଡ଼ିଆ ସ୍ନାତକ, ସ୍ନାତକୋତ୍ତର ନିଃଶୁଳ୍କ ରହିବ ବୋଲି ନିଷ୍ପତ୍ତି ନିଆଯାଇଛି। ଏହାସହ ଓଡ଼ିଆ ଭାଷାରେ ଭଲ ନମ୍ବର ରଖିଲେ ବୃତ୍ତି ସାଙ୍ଗକୁ ଓଡ଼ିଆ ଭାଷା ସାହିତ୍ୟରେ ଗବେଷଣା ପାଇଁ ଅଧିକ ପ୍ରୋତ୍ସାହନ ମିଳିବ। ସବୁ ହାଇସ୍କୁଲରେ ପାଠାଗାର ହେବ ଏବଂ ବହୁଳ ଭାବରେ ଓଡ଼ିଆ ପୁସ୍ତକ ରହିବ। ରାଜ୍ୟ ଭିତର ସରକାରୀ ଉତ୍ସବ ଗୁଡିକ ଓଡ଼ିଆ ଭାଷାରେ ପରିଚାଳନା କରାଯିବ। ପ୍ରତିବର୍ଷ ଜିଲ୍ଲା ଓ ରାଜ୍ୟସ୍ତରରେ ପୁସ୍ତକ ମେଳା ଆୟୋଜନ ହେବାକୁ ମଧ୍ୟ ନିଷ୍ପତ୍ତି ହୋଇଛି।</p><p>ସେହିପରି ପର୍ଯ୍ୟଟନ ଓ ସଂସ୍କୃତି ବିଭାଗକୁ ଅଲଗା କରିବା ସମ୍ପର୍କୀତ ପ୍ରସ୍ତାବକୁ ମଧ୍ୟ ଆଜି ରାଜ୍ୟ କ୍ୟାବିନେଟର ମଞ୍ଜୁରୀ ମିଳିଛି।</p><p>&lt;span style=&quot;color: #ff0000;&quot;&gt;ନବୀନକୁ ଓଡ଼ିଆ କହିବାକୁ ଚ୍ୟାଲେଞ୍ଜ ଦେଲେ ଧର୍ମେନ୍ଦ୍ର&lt;/span&gt;</p><p>ଓଡିଶା ଭାଷା ଆଇନରେ ସଂଶୋଧନ ପ୍ରସ୍ତାବକୁ ନେଇ ରାଜ୍ୟ ସରକାରଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟାର୍ଗେଟ୍&zwnj; କରିଛନ୍ତି। ସେ ନବୀନ ପଟ୍ଟନାୟକଙ୍କୁ ଚ୍ୟାଲେଞ୍ଜ କରିବା ସହ କହିଛନ୍ତି- &ldquo;ଗୋଟିଏ ରାଜନୈତିକ ମଞ୍ଚର ଆଢୁଆଳରେ ଏହାକୁ ଅଣା ଯାଇଛି। ଜାନୁଆରୀ ମାସରେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ଅଧିବେଶନ ଡାକି ବିନା କଗଜ ଦେଖାରେ ଓଡ଼ିଆ କହି କି ଦେଖାଇ ଦିଅନ୍ତୁ, ୧୭ ବର୍ଷରେ ଓଡ଼ିଆ ଭାଷା ପ୍ରତି ତାଙ୍କ ପ୍ରତିବଦ୍ଧତାକୁ ଆମେ ମୁଣ୍ଡପାତି ସ୍ୱୀକାର କରିନେବୁ।&rdquo;</p><p>&lt;span style=&quot;color: #ff0000;&quot;&gt;ଘୋଷଣା କରିଦେଲେ ହେବନାହିଁ, ନିଷ୍ଠା ଦେଖାଅ&lt;/span&gt;</p><p>ପୂର୍ବତନ ସାଂସଦ ବୈଷ୍ଣବ ପରିଡା କହିଛନ୍ତି, &ldquo;କେବଳ ଘୋଷଣା କରିଦେଲେ ହେବନାହିଁ। ଏହାକୁ କାର୍ଯ୍ୟକାରୀ କରିବାକୁ ନିଷ୍ଠାର ଆବଶ୍ୟକତା ରହିଛି।&rdquo;</p><p>ସେ ଆହୁରି କହିଛନ୍ତି- &ldquo;ପ୍ରତିଠାନ ଗଠନ ହେବ। ଗୋଟିଏ ବିଭାଗ ହେବ ସ ମନ୍ତ୍ରୀ ମୁଖ୍ୟ ରହିବେ। ଏପରି ପ୍ରତିଷ୍ଠାନ ଆଗରୁ ମଧ୍ୟ ହୋଇଛି। ସେଗୁଡିକ ଦୟନୀୟ ଅବସ୍ଥାରେ ରହିଛି। କେବଳ ଘୋଷଣା କରିଦେଲେ ହେବନାହିଁ। ନିଷ୍ଠା ଓ ଅର୍ଥ ନହେଲେ ଏହା କାର୍ଯ୍ୟକାରୀ ହେବା ସମ୍ଭବ ନୁହେଁ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।