ଅନୁଗୋଳ(ବିରଜା ଦାଶ):ବଳିଷ୍ଠ ଅଭିନୟ ଜରିଆରେ ଅଭିନୟ ଜଗତରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଅଭିନେତା ଅଶୋକ ଦାସ ଆଜି ଜଣେ ସଫଳ ଦୁଗ୍ଧ ଚାଷୀ ତାହା ହୁଏତ ଅଧିକାଂଶ ଲୋକ ଜାଣିନଥିବେ । ଅଭିନୟ ସହ ଗୋପାଳନ ତାଙ୍କର ନିଶା ଓ ପେଶା । ପରଦାରେ ଅଭିନୟ ମାଧ୍ୟମରେ ଦର୍ଶକଙ୍କୁ ମନ୍ତ୍ରମୁଗ୍ଧ କରୁଥିବା ଅଭିନେତା ଅଶୋକ ଜଣେ ବେଶ ଜଣାଶୁଣା ଦୁଗ୍ଧ ଚାଷୀ ହୋଇପାରିଛନ୍ତି।
ଅଭିନୟ ଓ ଗୋପାଳନକୁ ନିଶାରୂପେ ଗ୍ରହଣ କରିଥିବା ଅଶୋକଙ୍କ ଗୋପାଳନ ଯେ ପରବର୍ତୀ ମୁହୂର୍ତ୍ତରେ ପେଶା ହୋଇଯିବ ତାହା ସେ ବି ଜାଣିନଥିଲେ।
୧୯୮୬-୮୭ରେ ମାତ୍ର କେତୋଟି ଗାଈକୁ ନେଇ ଅଶୋକ ଅନୁଗୋଳ ଅମଲାପଡ଼ାରେ ଆରମ୍ଭ କରିଥିଲେ ଗୋପାଳନ କାର୍ଯ୍ୟ । ପରେ ତାଙ୍କର ଶାକୋସିଂହାରେ ନେଇଛି ଡାଏରୀ ଫାର୍ମର ରୂପ । ୫୦ରୁ ଅଧିକ ଗାଈ ରଖି ଦୈନିକ ପ୍ରାୟ ୩୦୦ ଲିଟର କ୍ଷୀର ଉତ୍ପାଦିତ ସେ କରିଥାନ୍ତି । ଏହାଦ୍ୱାରା ସେ ଅନେକଙ୍କୁ ରୋଜଗାର ମଧ୍ୟ ଦେଇଛନ୍ତି । ଗାଈଙ୍କ ଖାଦ୍ୟ ପାଇଁ ୧୬ ଏକର ଜମିରେ ଘାସ ଚାଷ କରିଛନ୍ତି । ଅଭିନୟ ସହ ଗୋପାଳନ କରି ବେଶ ଖୁସି ଅନୁଭବ କରୁଥିବା ସେ କହିଛନ୍ତି ।
ଅଶୋକଙ୍କ ଫାର୍ମରୁ ଉତ୍ପାଦିତ ଖାଣ୍ଟି କ୍ଷୀରର ଅନୁଗୋଳରେ ବେଶ ଚାହିଦା ରହିଛି। ସେଥିପାଇଁ ପ୍ରତିଦିନ ସକାଳ ଓ ସନ୍ଧ୍ୟାରେ ଅମଲାପଡ଼ା ଘର ଆଗରେ ଲୋକଙ୍କ ଭିଡ଼ ଜମିଥାଏ। ସେପଟେ ୧୯୯୨ ମସିହାରୁ ଓଡ଼ିଆ ଚଳଚ୍ଚିତ୍ର ଜଗତରେ ପାଦ ଥାପିଥିଲେ ଅଶୋକ ଦାସ ଏହା ପରଠୁ ସେ ଆଉ କେବେବି ପଛକୁ ଫେରିନାହାନ୍ତି । ପରଦାରେ ଶ୍ରେଷ୍ଠ ଅଭିନୟ ପାଇଁ ସେ ଅନେକ ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
