ପାରଳଖେମୁଣ୍ଡି(ଆଦର୍ଶ ଦାସ): ବିହାରର ବୀରପୁର ସେନା କ୍ୟାମ୍ପରେ ନିଆଁ ଲାଗି ଗଜପତି ଜିଲ୍ଲାର ଜଣେ ଯବାନ ଆଖି ବୁଜିଛନ୍ତି। ମୃତ ଓଡ଼ିଆ ଯବାନ ହେଲେ ସଶସ୍ତ୍ର ସୀମା ସୁରକ୍ଷା ବଳର ପର୍ଶୁରାମ ଶବର । ପର୍ଶୁରାମ ଶବରଙ୍କ ଘର ଗଜପତି ଜିଲ୍ଲା ରାୟଗଡ଼ ବ୍ଲକ କୁରୁଗୁବା ଗାଁରେ।
ପର୍ଶୁରାମ ସଶସ୍ତ୍ର ସୀମା ବଳରେ ଯବାନ ଭାବେ ଯୋଗ ଦେଇ ବିହାରର ବୀରପୂରଠାରେ ଟ୍ରେନିଙ୍ଗି ନେଉଥିଲେ । ସେଠାର କ୍ୟାମ୍ପରେ ସର୍ଟ ସର୍କିଟ ଯୋଗୁଁ ନିଆଁ ଲାଗି ସମୁଦାୟ ୩ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ପର୍ଶୁରାମ ଥିବା ଜିଲ୍ଲା ପ୍ରଶାସନ ପକ୍ଷରୁ ପରିବାର ଲୋକଙ୍କୁ ସୂଚନା ଦିଆଯାଇଛି। ଏନେଇ ଖବର ପାଇ ପରିବାର ଲୋକ ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି।
ପରିବାର ଲୋକ ବହୁ ଆଶା କରିଥିଲେ, ପୁଅ ଯବାନ ହେଲେ ପରିବାରର ଦୁଃଖ ଯିବ। ହେଲେ ସହିଲେନି ଦଇବ। ତା’ ପୂର୍ବରୁ ଚାଲିଗଲା ପୁଅର ଜୀବନ। ଏହି ଖବର ପ୍ରଚାରିତ ହେବା ପରେ ଗାଁରେ ଶୋକର ଛାୟା ଖେଳି ଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।