ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ସରକାର ଏଣିକି ‘ମମତା’ ଯୋଜନାରେ ତୃତୀୟ ସନ୍ତାନ ଜନ୍ମ ପାଇଁ ବି ସହାୟତା ଯୋଗାଇ ଦେବେ। ତେବେ ଏହି ସୁବିଧା କେବଳ ଆଦିମ ଜନଜାତି ମହିଳାଙ୍କୁ ୨୦୨୪ ମସିହା ପର୍ଯ୍ୟନ୍ତ ମିଳିବ।
ଆଦିମ ଜନଜାତି ବର୍ଗରର ମହିଳାଙ୍କ ମଧ୍ୟରେ ମାତୃ ଓ ଶିଶୁ ମୃତ୍ୟୁହାର ହ୍ରାସ କରିବା ଉଦ୍ଦେଶ୍ୟରେ ମମତା ଯୋଜନା ଅଧୀନରେ ରାଜ୍ୟର ଯେକୌଣସି ଅଞ୍ଚଳରେ ବସବାସ କରୁଥିବା ସମସ୍ତ ଆଦିମ ଜନଜାତି ମହିଳାଙ୍କୁ ଏହି ସୁବିଧା ମିଳିବ। ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ବିଧିବଦ୍ଧ ବିଜ୍ଞପ୍ତି ଜାରି ହୋଇଛି। ଉଲ୍ଲେଖଯୋଗ୍ୟ, ଏବେ ମମତା ଯୋଜନାରେ ୨ଟି କିସ୍ତିରେ ୫ହଜାର ଟଙ୍କାର ଆର୍ଥିକ ସହାୟତା ଦୁଇଟି ଜନ୍ମ ହୋଇଥିବା ସନ୍ତାନଙ୍କ ପାଇଁ ଗର୍ଭବତୀ ବା ପ୍ରସୂତୀଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ପ୍ରଦାନ କରାଯାଉଛି। ତେବେ କେବଳ ଆଦିମ ଜନଜାତି ମହିଳାଙ୍କୁ ତୃତୀୟ ସନ୍ତାନ ଜନ୍ମ ପାଇଁ ଏହି ସୁବିଧା ଉପଲବ୍ଧ କରାଯିବ।
ଏବେସୁଦ୍ଧା ରାଜ୍ୟର ପ୍ରାୟ ୩୮.୮୯ଲକ୍ଷ ଗର୍ଭବତୀ ବା ପ୍ରସୂତୀଙ୍କୁ ମମତା ଯୋଜନାରେ ୧୮୧୦କୋଟି ଟଙ୍କା ହସ୍ତାନ୍ତର କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
