ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରରେ ଖୋଲିବ ସୋଶାଲ୍ ମିଡ଼ିଆ ମନିଟରିଂ ସେଲ୍। ଆଜି ଏନେଇ ସୂଚନା ଦେଇଛନ୍ତି କ୍ରାଇମ୍ବ୍ରାଞ୍ଚ ଏଡିଜି ସନ୍ତୋଷ ଉପାଧ୍ୟାୟ। ସାଇବର ଅପରାଧ ରୋକିବା ପାଇଁ ଥାନାଧିକାରୀଙ୍କ ସମେତ ସବ୍ ଇନ୍ସପେର ଓ କନେଷ୍ଟବଳମାନଙ୍କୁ ଆବଶ୍ୟକୀୟ ଟ୍ରେନିଂ ଉପରେ ଗୁରୁତ୍ୱ ଦିଆଯାଉଥିବା ସେ କହିଛନ୍ତି।
୨୦୨୦ ସୁଦ୍ଧା ରାଜ୍ୟର ୧୦୦୦ କନେଷ୍ଟବଳ ଓ ସବ-ଇନ୍ସପେକ୍ଟରଙ୍କୁ ସାଇବର ଟ୍ରେନିଂ ପ୍ରଦାନ କରାଯିବାକୁ ଟାର୍ଗେଟ୍ ରଖାଯାଇଛି। ସମ୍ବଲପୁର, ରାଉଲକେଲା ଓ ଅନୁଗୋଳ ରେଞ୍ଜରେ ଏପର୍ଯ୍ୟନ୍ତ ୩୪୦ ଜଣ କନେଷ୍ଟବଳ ଓ ଏସ୍ଆଇଙ୍କୁ ସାଇବର ଟ୍ରେନିଂ ପ୍ରଦାନ କରାଯାଇଛି। ଅନ୍ୟମାନଙ୍କୁ ପରେ ଟ୍ରେନିଂ ଦିଆଯିବ ବୋଲି କ୍ରାଇମ୍ବ୍ରାଞ୍ଚ ଏଡିଜି କହିଛନ୍ତି।
ସେହିପରି ଆସନ୍ତା ଡିସେମ୍ବରରେ ଭୁବନେଶ୍ୱରରେ ସ୍ୱତନ୍ତ୍ର ସାଇବର ଫରେନ୍ସିକ ଟ୍ରେନିଂ ଲ୍ୟାବ୍ ଖୋଲାଯିବ ବୋଲି ସେ ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।