ବିଜେଡି ପାଇଁ ମହଙ୍ଗା ପଡ଼ିବେ ବହିଷ୍କୃତ ନେତା!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୧୯ ନିର୍ବାଚନୀ ରାସ୍ତାରେ ବିଜେଡି ପାଇଁ ବଡ଼ ଚ୍ୟାଲେଞ୍ଜ ହୋଇପାରନ୍ତି ଦଳରୁ ବହିଷ୍କୃତ ପାରାଦୀପ ବିଧାୟକ ଡାକ୍ତର ଦାମୋଦର ରାଉତ ଓ କେନ୍ଦ୍ରାପଡ଼ାର ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ଭଳି ପୁରୁଖା ନେତା। ସରକାରରେ ଚାଲିଥିବା ବ୍ୟାପକ ଦୁର୍ନୀତି ଓ ଦଳର ଗୁଣ୍ଡାଗର୍ଦ୍ଦି ବିରୋଧରେ ଏହି ନେତାମାନେ ଆରମ୍ଭ କରିଥିବା ଅଭିଯାନ ପ୍ରତି ଜନସମର୍ଥନ ବଢୁଛି।<br />ବିଜେଡିରୁ ସସ୍&zwnj;ପେଣ୍ଡ ହୋଇଛନ୍ତି ପୂର୍ବତନ ବିଧାୟକ ନବୀନ ନନ୍ଦ। ଆଜି ସେ ଢେଙ୍କାନାଳ ଗଁଦିଆରେ ସଭା ଆୟୋଜନ କରିଥିଲେ। ଏହି ସମାବେଶକୁ ବିପୁଳ ଜନର୍ଥନ ମିଳିଥିବା ଦେଖିବାକୁ ମିଳିଥିଲା। ଏଥିରେ ଯୋଗଦେଇ ପୂର୍ବତନ ସାଂସଦ ବୈଜୟନ୍ତ ପଣ୍ଡା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟ ସରକାରଙ୍କୁ ଜୋରଦାର ସମାଲୋଚନା କରିଥିଲେ।<br />ରାଜ୍ୟ ସରକାର ଦୁର୍ନୀତି ଓ ଭ୍ରଷ୍ଟାଚାରରେ ବୁଡ଼ିଥିବା ବେଳେ ବିଜୁ ଯୁବବାହିନୀ ସରକାରୀ ଗୁଣ୍ଡା ସାଜିଥିବା ବୈଜୟନ୍ତ ଅଭିଯୋଗ କରିଛନ୍ତି। ସରକାରୀ ଅର୍ଥରେ ରାଜନୀତିକ ଗୁଣ୍ଡାଙ୍କୁ ବ୍ୟବହାର କରାନଯାଉ ବୋଲି ସେ ନବୀନଙ୍କୁ ଅପିଲ୍ କରିଛନ୍ତି। ଯଦି ସେମାନଙ୍କୁ ଆୟତ୍ତରେ ନ ରଖାଯାଏ, ତାହାହେଲେ ଆଗାମୀ ଦିନରେ ଲୋକେ ତାଙ୍କୁ କଣ୍ଟ୍ରୋଲ୍&zwnj; କରିଦେବେ।<br />ନିଜ ରାଜନୈତିକ ଭବିଷ୍ୟତ ନେଇ ସେ କିଛି ସ୍ପଷ୍ଟ କରିନଥିଲେ ମଧ୍ୟ ଯିଏ ଦୁର୍ନୀତି ବିରୋଧରେ ଲଢ଼ିବ ସେ ତାଙ୍କୁ ସମର୍ଥନ କରିବେ ବୋଲି ବୈଜୟନ୍ତ କହିଛନ୍ତି।<br />&lt;span style=&quot;color: #ff0000;&quot;&gt;&lt;strong&gt;ସଭାରେ ବିଶୃଙ୍ଖଳା ସୃଷ୍ଟି ଉଦ୍ୟମ&lt;/strong&gt; &lt;/span&gt;<br />ସେପଟେ ଆଜି ପୁଣି ଥରେ ସମାବେଶସ୍ଥଳରେ କିଛି ଯୁବକ ମଞ୍ଚ ଉପରକୁ ଚଢ଼ି ବିଶୃଙ୍ଖଳା ସୃଷ୍ଟି କରିବାକୁ ଚେଷ୍ଟା କରିଥିବା ଦେଖିବାକୁ ମିଳିଥିଲା। ଏହାକୁ ନେଇ ସେଠାରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା।</p><p>ପୂର୍ବତନ ବିଧାୟକ ନବୀନ ନନ୍ଦ କହିଛନ୍ତି-&ldquo;ବର୍ତ୍ତମାନ କିଛି ଲୋକଙ୍କ ପାଦ ତଳୁ ମାଟି ଖସି ଖସି ଯାଉଛି। ତେଣୁ ସେମାନେ କେମିତି ତାଙ୍କ ପାଦ ତଳେ ମାଟି ରଖିବେ ଓ ତୃତୀୟ ମହଲାର ଭଲ ଦୃଷ୍ଟିରେ ରହିବେ ସେଥିପାଇଁ ଗଣ୍ଡଗୋଳ କରିବାକୁ ଉଦ୍ୟମ କରୁଛନ୍ତି।&rdquo;<br />ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର କହିଛନ୍ତି-&ldquo;ଜଣେ ପୂର୍ବତନ ସାଂସଦ ଓ ବିଧାୟକ ଏପରି ଅବାନ୍ତର ଯୁକ୍ତି କରିବା ଠିକ ନୁହେଁ। ଦଳରେ ଥିବା ବେଳେ ସେମାନେ କେବେ କହୁନଥିଲେ। ବିଜୁ ଯୁବ ବାହିନୀକୁ ଯେଉଁମାନେ ଗୁଣ୍ଡା ବାହିନୀ କହୁଛନ୍ତି, ତାହା ଯୁବକଙ୍କ ମନକୁ ଗଭୀର ଆଘାତ ଦେଉଛି।&rdquo;<br />&lt;strong&gt;&lt;span style=&quot;color: #ff0000;&quot;&gt;ଦାମଙ୍କ ଆହ୍ଵାନ&lt;/span&gt; &lt;/strong&gt;<br />ଏପଟେ ବିଜେଡିରୁ ବିତାଡିତ ନେତାଙ୍କୁ ଏକଜୁଟ କରିବା ପାଇଁ ଲାଗି ପଡିଛନ୍ତି ବିଧାୟକ ଡାକ୍ତର ଦାମୋଦର ରାଉତ। ପ୍ରସ୍ତାବିତ &lsquo;ବିଜୁ ସମତାକ୍ରାନ୍ତି ଦଳ&rsquo;ର ସମ୍ଭାବ୍ୟ ରୂପରେଖ ନେଇ ବିଚାରବିମର୍ଶ ଚାଲିଥିବା ଦାମ ସୂଚନା ଦେଇଛନ୍ତି। ରାଜ୍ୟବାସୀଙ୍କୁ ଦୁର୍ନୀତି, ଭ୍ରଷ୍ଟାଚାର ଓ କୁଶାସନ କବଳରୁ ମୁକ୍ତ କରିବା ଲାଗି ଆଞ୍ଚଳିକ ଦଳ ଗଠନର ଆବଶ୍ୟକତା ରହିଛି ଓ ଏଥିରେ ସହଯୋଗ ଲାଗି ନବୀନ ବିଜେଡିରୁ ତଡ଼ିଥିବା ନେତାଙ୍କୁ ସେ ଆହ୍ୱାନ ଦେଇଛନ୍ତି।<br />ଅନ୍ୟପକ୍ଷରେ &lsquo;ସମତା କ୍ରାନ୍ତି ଦଳ&rsquo;ରେ ବିଜୁଙ୍କ ନାଁ ଯୋଡ଼ିବା ନେଇ ପ୍ରକ୍ରିୟା ଜାରି ରହିଥିବା କହିଛନ୍ତି ଦଳର ପ୍ରତିଷ୍ଠାତା ସଦସ୍ୟ ବ୍ରଜ କିଶୋର ତ୍ରିପାଠୀ। ଏନେଇ କାର୍ଯ୍ୟକାରୀ କମିଟିରେ ନିଷ୍ପତ୍ତି ନିଆଯିବ ବୋଲି ସେ ସୂଚନା ଦେଇଛନ୍ତି।</p><p>ତେବେ ବିଜେଡି ଉପରେ ନୂଆ ଦଳର କୌଣସି ପ୍ରଭାବ ପଡିବ ନାହିଁ ବୋଲି ବିଜେଡିର ଦଳୀୟ ମୁଖପାତ୍ର ଅତନୁ ସବ୍ୟସାଚୀ ନାୟକ କହିଛନ୍ତି।</p><p>ଦୁର୍ନୀତି ଓ ଭ୍ରଷ୍ଟାଚାର ଭଳି ପ୍ରସଙ୍ଗକୁ ନେଇ ନବୀନ ଓ ରାଜ୍ୟ ସରକାରଙ୍କ ଇମେଜ୍ ମଳିନ ପଡିଥିବା ଚର୍ଚ୍ଚା ହେଉଥିବା ବେଳେ ବିଜେଡିରୁ ବିତାଡିତ ବରିଷ୍ଠ ନେତାମାନେ ଏକଜୁଟ୍ ହେବା, ଦଳ ପାଇଁ ନୂଆ ସମସ୍ୟା ସୃଷ୍ଟି କରିଛି। ତେବେ ନବୀନଙ୍କୁ ଚେକ୍&zwnj;ମେଟ୍&zwnj; ଦେବା ଲାଗି ଏହି ନେତାଙ୍କ ଉଦ୍ୟମ କେତେ ସଫଳ ହେଉଛି ତା&rsquo;ଉପରେ ସମସ୍ତଙ୍କ ନଜର ରହିବ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।